Esta semana comezamos cos retos semanais de arte!
Cada semana poderedes achegarvos á biblioteca para resolver os retos que o Sabichón ten preparados en relación ás diversas artes que estamos a traballar no PDI!
Esta semana o reto é musical e traballaremos cos instrumentos tradicionais galegos empregando o E.a.r.l.2 BOT, estades preparad@s?
Aquí vos deixamos un Genially que resume todo o traballo realizado por todo o alumnado, profesorado e familias en relación ao PDI deste curso, "Mergullámonos no mundo animal". Esperamos que vos guste!
PINCHADE NA IMAXE PARA VELO!
BO VERÁN!
O venres 21 de xuño será o último día de curso, que celebraremos cunha exposición e divulgación dos nosos traballos de investigación do PDI ás familias, actuacións musicais, unha merenda conxunta e por suposto, a despedida do noso alumnado de 6º de EP que se gradúa para o vindeiro curso estudar no instituto.
.jpg)
Agradecemos que confirmedes a asistencia ás titorías por abalar para ter en conta o aforo!
Moitas grazas familias!
O alumnado de 1º ciclo, nas súas investigacións sobre o PDI, estivo traballando moi activamente nos animais mariños, temática elixida por eles ao comezo de curso.
Entre todos e todas crearon un mural que luce no corredor do primeiro andar, con todos os animais mariños que investigaron e cos traballos que realizaron coa colaboración das familias!
Como sabedes, este trimestre estivemos inmersos na renovación das bibliotecas de aula con motivo da celebración da semana do libro.
Este venres, tras moitas semanas de esforzo e traballo para crear os mellores recunchos de lectura do centro; levouse a cabo o concurso de bibliotecas de aula, no que fixemos unha visita por todas elas para logo valoralas e decidir cales son as gañadoras.
Deixámosvos un vídeo da xornada, que foi moi emocionante!
Pronto se descubrirán as bibliotecas gañadoras! Moita sorte a tod@s!Este pasado martes tivemos de novo ás compañeiras de Xesta Brava para ensinarnos a facer un hotel de bechos e explicarnos a importancia dos insectos na nosa vida! Estivemos repasando os nomes de diferentes bichiños, o seu ciclo de vida... e logo puxémonos mans a obra, como podedes ver nos vídeos.
A pasada semana o alumnado de infantil e 1º ciclo participou nun obradoiro de "bechoconstrución". Tratouse dunha actividade na que o alumnado tivo que construir un hotel de bechos empregando materiais da natureza e algún refugallo.
Ao rematar fixemos unha busca de bechos polo noso patio. Aquí podedes ver un pequeno resumo!
O alumnado do club de lectura adicou as sesións deste mes a prepar o día da poesía, que se celebra este 21 de marzo.
Nas sesións de música en Educación infantil seguimos traballando no noso proxecto "Mergullámonos no mundo animal", esta vez co "Carnaval dos animais" de Camille Saint -Saens.
A primeira sesión consistiu nunha audición activa da "Marcha do león" xunto cun pequeno vídeo que nos axudou a comprender a peza.
Logo convertímonos en verdadeiros leóns que durmiron, pasearon pola selva e ata ruxiron un pouco; como podedes comprobar nas seguintes fotos:
O alumnado de 3º e 4º viviu este martes un obradoiro no que aprenderon que era, para que se emprega e como se elabora o compost.
Ademais, tamén puideron observar en directo a vida que existe no compost, buscando con lupa os diferentes animais que puideron atopar e que podedes comprobar neste vídeo.
Axudaronse de diferentes esquemas para diferencialos e poñerlles nome, neste vídeo tedes un resumo do ben que o pasaron:
O pasado venres conmemoramos no cole o 8M (Día da Muller) con diversas actividades:
durante o día, todos os cursos visualizaron o vídeo: "Raspiña, Shu e as mulleres do mar"; onde nos falan da importancia das mulleres no mar.
Ademais, os protagonistas do vídeo son animais do oceáno, polo que fixemos unha pequena investigación dos animais que aparecen no vídeo, así como diferentes científicas que traballaron no mar.
Logo, o alumnado de 5º de EP leu un pequeno manifesto e cantou un fragmento da canción "Que non mo neguen" das Tanxugueiras e o alumnado de 6º de EP realizou unha batucada, preparada ambas actuacións coa mestra de música e danza; que poderedes ver se pinchades AQUÍ.
PRÓXIMAMENTE COLGAREMOS AS INVESTIGACIÓNS REALIZADAS...ESTADE ATENT@S!
O alumnado do centro, coa colaboración das familias, recopilou noticas de animais e océanos de diferentes periódicos durante a semana da prensa.
O mural atópase no corredor do cole e aquí o podedes ver!
Moitas grazas ás familias pola colaboración.
O pasado 19 de febreiro tivemos con nos a Jesús e a súa compañeira, que nos fixeron uns talleres a todos os cursos en relación aos océanos a ás mulleres na ciencia, con motivo da celebración do Día da Muller e a Nena na Ciencia, o 11 de febreiro.
O pasado mércores 28 o alumnado de 5º e 6º realizou unha actividade de avistamento de aves grazas a colaboración do Concello do Grove e SEO. (Sociedade Española de Ornitoloxía).
O alumnado de Ed. Infantil xuntouse en pequenos grupos para levar a cabo un pequeno reto en relación cos polos creativos que chegaron este trimestre ao centro.
A actividade que realizaron foi o "Pensamento de deseño básico", seguindo os pasos que nos propoñen dende polos creativos:
-Primeiramente observaron os materiais de uso cotiá que se ían empregar
-Logo, en pequenos grupos, buscamos o obxectivo: elaborar con esos materiais de uso cotiá un animal (tendo en conta a temática do proxecto) entre todo o grupo.
- Por último, todo o grupo explicou o que elaborou no tempo de traballo e que ideas foron xurdindo ao longo da actividade.
Noraboa polo traballo!
Os nenos e nenas de educación infantil convertíronse en verdadeiros artistas nestas últimas semanas! Investigaron a diferentes pintores como Pablo Picasso ou Juan Miró e levaron a cabo algunhas das súas obras nas que os protagonistas eran os animais.
Nesta imaxe podedes ver as obras imitando a orixinal "El disco rojo persiguiendo a la alondra" de Juan Miró.
Aquí atopanse imitando o cadro de Pablo Picasso, "Niña con paloma".
O alumnado de 5º de EP, tras unha sesión de limpeza de praias, fíxose co material que vedes nas imaxes para elaborar os seus propios atrapasoños na área de Educación Artística e en relación ao proxecto do centro.
