Moi boas familias,
presentámosvos a revista escolar do curso 22/23. Esperamos que vos guste!
Premede na imaxe para vela!
Amosando publicacións coa etiqueta SOS- ODS: O planeta nas nosas mans. Amosar todas as publicacións
Amosando publicacións coa etiqueta SOS- ODS: O planeta nas nosas mans. Amosar todas as publicacións
xoves, 29 de xuño de 2023
mércores, 28 de xuño de 2023
GENIALLY TAREFAS FINAIS PDI 22/23
O Equipo de Biblioteca recolle neste Genially as tarefas finais do PDI deste curso 22/23 que se presentará ao IX Concurso de Traballo por Proxectos.
Premede na imaxe para velo!
luns, 26 de xuño de 2023
FIN DE CURSO 22/23
Este mércores 21 de xuño celebramos o fin de curso no CEIP As Bizocas. A xornada comezou co desfile de robots ODS, que o alumnado de 6º de Educación Primaria programou cos MBot; xunto cun photocall preparado conxuntamente no que sacamos fotos de grupo.
Posteriormente, comezou a graduación de 6º de Educación Primaria e o festival de fin de curso nos que estivemos acompañados polas familias. O mestre Diego, adicou unhas palabras ao alumnado que cambia de etapa para a ESO e logo foi o alumnado de sexto quen falou para agradecer a todos os mestres e mestras que pasaron pola súa etapa educativa neste cole.
Logo o alumnado de 3º, 4º 5º e 6º realizaron unhas coreografías preparadas pola mestra de Educación Física e ao rematar, alumnado, mestres e familias compartiron unha merenda saudable.
A xornada rematou con xogos na praia onde cada grupo tiña que ir completando o seu cadro ODS. En cada xogo, os voluntarios/as de 6º entregaban unha pegatina (o logo gañador do concurso do PDI) que sinalaba a finalización con éxito do xogo.
Logo bañámonos na auga e despedímos aos nosos mestres/as e aos compañeiros/as nunha xornada moi emotiva.
Deseámosvos o mellor a todo o alumnado de 6º que remata no centro! No CEIP As Bizocas sempre vos recibiremos cos brazos abertos!
Moi bo verán!
Vémonos en setembro!
venres, 23 de xuño de 2023
AS MOCHILAS VIAXEIRAS POÑEN FIN AO SEU CAMIÑO
Durante todo o curso, as mochilas viaxeiras foron visitando todas as familias de todo o alumnado durante unha semana.
Aquí se recollen todos as reseñas do alumnado, moi bo traballo! O Sabichón agarda que o pasárades xenial.
Pinchade na imaxe para velas!
xoves, 22 de xuño de 2023
CIRCUITOS SUSTENTABLES EN CIENCIAS NATURAIS EN 5º EP
O alumnado de 5º de Educación Primaria elaborou na materia de Ciencias Naturais uns circuitos elaborados con materiais renovables.
martes, 20 de xuño de 2023
EXPOSICIÓN SOBRE O PDI E XOGOS PREPARADOS POLO ALUMNADO DE 6º
Este luns, o alumnado de 6º preparou unha exposición sobre a súa investigación no PDI deste curso e uns xogos para que os nenos e nenas de 5º, 1º e 2º levaran a cabo.
Así, ademais de facer un bingo das ODS ao longo de toda a semana, tamén fixeron este luns un xogo de preguntas de verdadeiro ou falso sobre as ODS, un memory ODS e unha búsqueda de respostas por todos os murais ODS que atoparon polos corredores do centro.
Este é un dos seus produtos finais...moi bo traballo!
SAÍDA A ILLA DE CORTEGADA
O martes 13 o alumnado de 1º, 2º, e 3º de Educación Primaria puxo rumbo á Illa de Cortegada como excursión de fin de curso.
Coa nosa chegada ao porto de Carril, montamos nunha zodiac que nos transportou ata a illa, onde nos esperaban dous monitores que nos explicaron moitas cousas sobre a illa, a súa fauna, a súa flora, lendas sobre a illa e moitas cousas máis.
Logo dun entretido roteiro, xantamos e ao rematar xogamos ao pano e a un xogo por relevos no que tiñamos que recoñecer distintos tipos de cunchas mariñas de diferentes especies que os monitores nos foron explicando durante o roteiro.
A pesar da chuvia á volta, pasámolo moi ben e aprendemos moito!
luns, 19 de xuño de 2023
TERCEIRA E ÚLTIMA SESIÓN DAS CHARLAS AFECTIVO SEXUAIS
Durante estos días, o alumnado de 3º, 4º, 5º e 6º de Educación Primaria recibiu a terceira e última sesión das charlas afectivo sexuais.
Nestas charlas seguiron afondando nos tipos de familias, sexualidade, emocións, uso responsable dos dispositivos electrónicos... temáticas moi importantes e que seguen relacionadas co noso proxecto das ODS.
Moitas gracias a Noelia polo seu labor!
xoves, 15 de xuño de 2023
TRABALLO FINAL DO PROXECTO COMPETENCIAL DE 3º CURSO DE EP
Na materia de Proxecto Competencial, en 3º de Educación Primaria, ao longo de todo o curso estivemos levando a cabo un proxecto relacionado coas aves e, neste caso, coas aves ameazadas da comarca do Salnés.
Comezamos o proxecto a raíz dun texto que lemos de que as aves chocaban contra as fiestras e morrían, polo que foi un tema que nos suscitou interese e elixímolo para traballalo. A partir disto fixemos unha busca de información das aves ameazadas da comarca, das cales fixemos unha ficha informativa con diferentes datos de interese e elaboramos un debuxo das mesmas.
Logo, con materiais reciclados elaboramos e creamos uns niños e comedeiros que fomos colgando polo patio, os cales tiveron moito éxito e cada semana tiñamos que reenchelos de froitos secos.
Así mesmo, as saídas que fixemos a praia aproveitámolas para facer limpeza e recollida de residuos e tamén realizamos uns carteis informativos sobre como coidar as praias e as zonas que habitan estas aves para poder protexelas e evitar prexudicar as zonas naturais nas que habitan e nidifican.
.jpg)
mércores, 14 de xuño de 2023
ROBÓTICA ODS
Nestes últimos días o alumnado de todo o centro está a aprender a empregar os MBot, Beebot, Scratch... poñéndonos as pilas coa robótica!
Así, na vindeira semana faremos actividades relacionadas coas ODS por ciclos nas que empregaremos estes software e hardware que o profesorado aprendeu a manexar durante o PFPP de Robótica.
Aquí vai un dos enlaces das actividades que imos a realizar:
https://scratch.mit.edu/projects/856080649
https://view.genial.ly/645b6b86977fb00018d2c09c/interactive-content-quiz-ods
xoves, 8 de xuño de 2023
MININAS REIVINDICATIVAS ODS EN EDUCACIÓN ARTÍSTICA
O alumnado de 4º de Educación Primaria elaborou estas mininas reivindicativas na materia de Educación Artística, nas que cada un debuxou e representou unha ODS.
Moi bo traballo!
mércores, 7 de xuño de 2023
GEOCACHING POLO DÍA DO MEDIO AMBIENTE
Este luns 5 de maio todo o alumnado do CEIP As Bizocas, xunto con familias voluntarias e o profesorado celebrou o Día do Medio Ambiente cunha actividade moi especial organizada pola mestra de Educación Física, seguindo co proxecto actual das ODS.
A xornada consistiu en realizar cada curso un roteiro pola contorna, xunto coas familias para atopar un "caché" escondido por eles mesmos (pero outros cursos) en días anteriores. Para atopalo, deberon seguir as indicacións dos mestres, que sinalaban a orientación na que o caché, tamén creado por eles, estaba escondido.
Por último, para a volta ao centro todos os participantes puxeron luvas e colleron unhas bolsas para recoller o lixo que atopaban polo camiño.
Ao chegar ao centro marcamos no mural se atoparamos o caché escondido e fixemos fotos de grupo.
Foi unha xornada moi divertida na que celebramos o Día do Medio Ambiente coñecendo, explorando e coidando a nosa contorna!
Ademais, saímos no xornal!! Podedes ver a nova completa pinchando no seguinte enlace:
Moitas grazas ás familias que colaboraron!
Pinchade nas fotos para ver máis!
luns, 29 de maio de 2023
OBRADOIRO DE ECOPERCUSSION
Este venres 26 de maio o alumnado de Educación Infantil, 1º e 2º ciclo recibiu un obradoiro de Ecopercussion, un taller cun mestre especializado en percusión con elementos de refugallo.
Así, con esta actividade seguimos traballando no noso proxecto, as ODS, vendo como podemos empregar calquera obxecto para facer música: unha tubería, unha botella vella, unha chancla, un bote de pintura... estes foron os exemplos que vimos, aínda que hai moitos máis!
Moitas grazas tamén a Didier, o noso mestre este día!
luns, 22 de maio de 2023
DÍA DA FAMILIA 1.º CICLO E EDUCACIÓN INFANTIL
Luns 15 de maio de 2023
No 1.º ciclo de Primaria puxémonos mans á obra para preparar un agasallo para celebrar o Día Familia. Aproveitando material reciclado, elaboramos un xoieiro ben bonito con dúas xoias para regalar a cada familia.
Realizamos os seguintes pasos:
1. Pintamos círculos de cartón con témpera de diferentes cores.
2. Pintamos o lateral dunha caixa de queixiños e pegamos:
- Na parte superior: a ruleta ODS coa foto de cada neno/a.
- Na parte inferior: o planeta Terra.
- No interior: unha mensaxe preciosa sobre este día.
3. Cando secaron os círculos, os/as profes pegáronos con silicona e puxeron os cordóns, para formar colares e pulseiras.
No seguinte vídeo podedes ver un resumo da actividade.
En Educación Infantil tamén celebramos o Día da Familia! Aquí podedes ver algunha foto debuxando as nosas familias!
FELIZ DÍA A TODAS AS FAMILIAS!!!
venres, 19 de maio de 2023
EXPRESAMOS ODS
As nenas e nenos do 3º curso de EP, todos os venres estamos realizando diferentes dinámicas e actividades de cohesión grupal coa axuda do mestre Xaime. Unha delas foi a representación dalgún dos Obxectivos do Desenvolvemento Sustentable a través da expresión corporal, onde cada grupo tivo que realizar as letras dun ODS asignado, dando lugar aos seguintes resultados.
Foi unha actividade moi chula na que nos divertimos moito e, sobre todo, aprendemos a traballar en grupo.
xoves, 18 de maio de 2023
O MAGO PACO
Este martes 16 o alumnado do centro achegouse andando á Casa da Cultura en San Vicente, onde os esperaba o espectáculo do Mago Paco e para celebrar a Semana das Letras Galegas.
Este mago sorprendeunos combinando trucos de maxia e historias sobre igualdade de xénero, un dos obxectivos que traballamos no noso proxecto (ODS 5). Aprendemos un montón e pasámolo xenial, xa que ademais, algúns dos nenos e nenas convertironse en protagonistas do espectáculo!
Grazas mago Paco!
Aquí vos deixamos un resumo da xornada!
martes, 16 de maio de 2023
CHARLA SOBRE AS ESPECIES VEXETAIS INVASORAS EN 5º E 6º DE EP
Este luns 15 de maio o alumnado de 5º e 6º recibiu unha charla sobre as especies vexetais invasoras en Galicia.
Nela aprenderon os problemas e consecuencias que podían causar, a identificar algunhas delas e como tratar de solucionalo.
Aquí vos deixamos un pequeno vídeo sobre a charla, que encadramos nas ODS 13 e 15.
Moitas grazas, aprendemos un montón!
xoves, 11 de maio de 2023
CONEXIÓN CO BUQUE HESPÉRIDES NA ANTÁRTIDA
Seguindo coa nosa investigación nas ODS, hoxe tivemos a sorte e oportunidade de contactar vía videochamada cun integrante do buque Hespérides, un barco deseñado para levar a cabo investigacións científicas e que actualmente se atopa na Antártida.
Durante a videochamada contáronnos que facían no buque, durante canto tempo, as actividades que realizaban no seu día a día, os animais que se atopaban na Antártida... e ademais ensinaronnos videos e fotos da zona. Para rematar, o alumnado tivo tempo para facerlles preguntas e resolver as súas inquedanzas.
Moitas grazas ao persoal do Hespérides, foi unha actividade súper interesante e da que aprendemos un montón!
Aquí vos deixamos un vídeo resumo!
mércores, 10 de maio de 2023
A BRUXA DAS CORES EN ED. INFANTIL
Este martes 9 de maio, o alumnado de Educación Infantil asistiu no Museo de Pontevedra a un conto titulado " A bruxa das cores" no que, a través de diferentes cadros do museo traballaron a educación socioemocional, sendo a protagonista do mesmo unha bruxa dun cadro, que ía alimentándose de diferentes cores coas que fumos identificando cada unha das principais emocións.
Con este conto seguimos traballando na liña do noso proxecto das ODS, concretamente o 3, "Saude e benestar".
Aquí podedes ver un vídeo do ben que o pasamos!
I EXPOSICIÓN FOTOGRAFÍA DIXITAL: FOTOS DOS PARTICIPANTES
"UN PLANETA MARABILLOSO!"
Este ano, o Equipo TIC organizou a I Exposición de Fotografía Dixital, relacionada cos ODS:
Grazas á colaboración das familias, conseguimos realizar unha exposicicón moi bonita nas que a natureza é a absoluta protagonista.
Aquí vos deixamos as fotos e lemas recibidos.
Candela 1.º EP: Luca 1.º EP: Luca 1.º EP:
"Respecta o seu hábitat" "Aportando o meu gran de area" "Nubes de algodón especiais"
Mauro 4.º EP: Mauro 4.º EP: Noel 4.º EI:
"Coidemos a natureza" "Disfruta da natureza" "Cultivando comida riquiña,
teño farta a miña barriguiña"
Noel 4.º EI: Nora 5.º EI: Nora 5.º EI:
"Vendo os peixes nadar "¡¡Temos que coidar o planeta!!" "¡¡Respecta a natureza!!"
prodúceme moita tranquilidad"
(foto en breve) (foto en breve)
Unai 4.º EP: Unai 4.º EP:
"O formigueiro en acción." "O traballo das abellas"
ATA A PRÓXIMA EDICIÓN!
Subscribirse a:
Publicacións (Atom)