LANZAMOS AS MOCHILAS VIAXEIRAS POLO DÍA DAS BIBLIOTECAS!

Xa están en marcha as mochilas viaxeiras no CEIP As Bizocas.

Cada curso recibiu a súa mochila, preparada para que alumnado e familias poidan ler xuntos, explorar e compartir durante unha semana.

Que traen as mochilas?

• Libros, cómics, revistas, xogos… un conxunto sorpresa que agarda por descubrir.

• Un diario para que cada un reflexione sobre as lecturas que máis lle gustaron: poderán facer debuxos, resumir, poñer fotos lendo… 

Como funciona?

As voluntarias da biblioteca foron as encargadas de repartir as mochilas en todas as aulas e de explicar como funcionan. 

É importante respectar os prazos e coidar o contido da mochila para que todos e todas podamos gozar dela ao máximo. 

E ademais… se vos apetece, podedes enviar fotos dunha lectura en familia ao correo do colexio (ceip.asbizocas@edu.xunta.gal), para que vexamos o ben que o pasades xuntos!

Por que esta iniciativa?

Porque queremos promover a lectura compartida, conectar a casa coa escola e facer da biblioteca un espazo vivo, dinámico e participativo. As mochilas viaxeiras son unha ponte entre o cole e o fogar, unha forma divertida de que a lectura saia da aula e entre no salón, no fogar, na familia.

 Agardamos que cada semana sexa unha nova aventura lectora! 📖✨

SEMANA DA BIBLIOTECA: RETOS E LANZAMENTO DA MOCHILA VIAXERIA!

O venres celebramos o Día das Bibliotecas, e por iso teremos uns días moi especiais cheos de retos lectores e actividades para todos os cursos.

Durante toda a semana realizaremos retos no Plan Lector, guiados polas nosas voluntarias de 6.º de Primaria, que xa están preparadas para acompañar, animar e axudar a todos os grupos. 💪📖

Aquí tes o calendario dos retos:

E ademais... ¡temos unha gran novidade! 🎒

O venres, coincidindo co Día das Bibliotecas, lanzaranse as Mochilas Viaxeiras en todos os cursos, para que todos os nenos e nenas do cole poidan levar libros á casa e compartir a lectura en familia.

Así que esta semana vai ser moi especial e dedicada á nosa biblioteca, ese lugar cheo de historias, maxia e aventuras onde sempre hai algo novo por descubrir.

📚💛 Preparade os vosos libros, as vosas mochilas e a vosa imaxinación... comeza a Semana da Biblioteca!

AS NOVAS MOCHILAS VIAXEIRAS CHEGAN A EDUCACIÓN INFANTIL!

Nestes días tivemos unha sorpresa moi especial na nosa biblioteca... ¡chegaron as novas mochilas viaxeiras! 🎉

Grazas ás voluntarias de biblioteca de 5.º e 6.º, que se encargaron de preparalas e repartilas con moita ilusión, agora cada neno e nena de Educación Infantil poderá levar unha mochila á casa cada semana.

Deste xeito, as mochilas viaxeiras fan que os libros viaxen, conten historias e enchan de ilusión moitas casas.

Porque ler non é só cousa da escola… ¡é unha aventura que continúa tamén na casa! 🏡✨

Unha vez máis, grazas ás nosas voluntarias por facer posible este proxecto tan fermoso e por axudar a que os contos cheguen a todos os nenos e nenas de Infantil.

📚 Boas lecturas!

AS MOCHILAS VIAXEIRAS COMEZAN A SÚA SEGUNDA VOLTA!

 As mochilas viaxeiras pasaron xa por todas as familias e comezan a súa segunda volta.

 

 Agardamos que vos gustara o seu contido e que puiderades disfrutar xuntos dun ratiño de lectura.

As vosas creacións no caderno así o demostran!

 

Ademais, contamos con novidades! Desta volta as mochilas viaxeiras son novas: máis grandes, máis resistentes e máis cómodas! Agardamos que vos guste este novo deseño.

Aquí podedes ver ás voluntarias de biblioteca organizando cada mochila para cada curso.

AS MOCHILAS VIAXEIRAS XA ESTÁN EN MARCHA!

 As voluntarias de biblioteca foron as encargadas de repartir as mochilas viaxeiras de cada curso e lembrarlles como funcionan! 

Como xa sabedes, cada curso contará cunha mochila viaxeira, que inclúe libros, cómics, revistas... para que alumnado e familias disfruten xuntos do tempo de lectura.

O contido das mochilas é sorpresa... que intriga!💭

Ademais, cada mochila contará cun diario, onde os nenos e nenas reflexarán os libros que máis lles gustaron a través de debuxos, resumos, fotos lendo... e todo o que a vosa imaxinación queira! 

Esta mochila viaxará cada semana a unha familia diferente, polo que todo o alumnado e familias poderán disfrutar deste fantástico agasallo durante unha semana. É importante respectar os prazos e coidar o material para que todos e todas gozemos da mochila viaxeira.

Ademais, de forma voluntaria, as familias poderedes enviar fotos disfrutando da lectura ao email do cole (ceip.asbizocas@edu.xunta.gal), así poderemos ver o ben que o pasades xuntos!

As voluntarias de biblioteca encargáronse de repartilas en todas as aulas, polo que comeza a súa viaxe!

AS MOCHILAS VIAXEIRAS COMEZAN O SEU CAMIÑO

Este luns,  o Sabichón quere facernos de novo un agasallo moi especial. As mochilas viaxeiras viaxarán por segundo curso a todas as familias!

Como xa sabedes, cada curso contará cunha mochila viaxeira, que inclúe libros, cómics, revistas... para que alumnado e familias disfruten xuntos do tempo de lectura.

O contido das mochilas é sorpresa... que intriga!💭

Ademais, cada mochila contará cun diario, onde os nenos e nenas reflexarán os libros que máis lles gustaron a través de debuxos, resumos, fotos lendo... e todo o que a vosa imaxinación queira! 

Esta mochila viaxará cada semana a unha familia diferente, polo que todo o alumnado e familias poderán disfrutar deste fantástico agasallo durante unha semana. É importante respectar os prazos e coidar o material para que todos e todas gozemos da mochila viaxeira.

Ademais, de forma voluntaria, as familias poderedes enviar fotos disfrutando da lectura ao email do cole (ceip.asbizocas@edu.xunta.gal), así poderemos ver o ben que o pasades xuntos!

Os voluntarios de biblioteca encargáronse de repartilas en todas as aulas, polo que comeza a súa viaxe!

AS MOCHILAS VIAXEIRAS POÑEN FIN AO SEU CAMIÑO

Durante todo o curso, as mochilas viaxeiras foron visitando todas as familias de todo o alumnado durante unha semana.

Aquí se recollen todos as reseñas do alumnado, moi bo traballo! O Sabichón agarda que o pasárades xenial. 

Pinchade na imaxe para velas!

AS MOCHILAS VIAXEIRAS COMEZAN A SÚA SEGUNDA VOLTA

Como sabedes, a finais do mes de outubro as mochilas viaxeiras comezaron o seu camiño acompañando ao alumnado durante unha semana. Así pois, as mochilas xa percorreron todas as casas do noso alumnado, polo que comezan a súa segunda volta, con novos libros e novas sorpresas! Agardamos que vos gusten.

Ademais, moitos de vós enviáchedesnos fotos disfrutando da mochila coa vosa familia, e que ben o pasástedes! 

Pinchade na foto para ver máis!

AS MOCHILAS VIAXEIRAS COMEZAN O SEU CAMIÑO

Este luns, coincidindo coa celebración do día das Bibliotecas (24 de outubro),  o Sabichón quere facernos un agasallo moi especial.

Como novidade, cada curso contará cunha mochila viaxeira, que inclúe libros, cómics, revistas... para que alumnado e familias disfruten xuntos do tempo de lectura.

O contido das mochilas é sorpresa... que intriga!💭

Ademais, cada mochila contará cun diario, onde os nenos e nenas reflexarán os libros que máis lles gustaron a través de debuxos, resumos, fotos lendo... e todo o que a vosa imaxinación queira! 

Esta mochila viaxará cada semana a unha familia diferente, polo que todo o alumnado e familias poderán disfrutar deste fantástico agasallo durante unha semana. É importante respectar os prazos e coidar o material para que todos e todas gozemos da mochila viaxeira.

Ademais, de forma voluntaria, as familias poderedes enviar fotos disfrutando da lectura ao email do cole (ceip.asbizocas@edu.xunta.gal), así poderemos ver o ben que o pasades xuntos!

As mochilas viaxeiras xa están listas para comezar a sua andaina!

Esperamos que o pasedes fenomenal lendo!