DÍA DA POESÍA NO CLUB DE LECTURA

O alumnado do club de lectura adicou as sesións deste mes a prepar o día da poesía, que se celebra este 21 de marzo.

 

A actividade consistiu no seguinte: en parellas ou individualmente, crearon poemas a partir de versos de diferentes libros de poesía en relación aos animais e aos océanos, o noso proxecto, e que compartimos co alumnado do CEIP Conmeniño. 

Aquí podedes ver o resultado dos poemas elaborados!  Foron elaborados co croma trala formación do PFPP do profesorado do CEIP As Bizocas.

Pinchade na imaxe para velo!

"O CARNAVAL DOS ANIMAIS" DE CAMILLE SAINT-SAËNS EN 4º ED. INFANTIL

Nas sesións de música en Educación infantil seguimos traballando no noso proxecto "Mergullámonos no mundo animal", esta vez co "Carnaval dos animais" de Camille Saint -Saens.

A primeira sesión consistiu nunha audición activa da "Marcha do león" xunto cun pequeno vídeo que nos axudou a comprender a peza.

Logo convertímonos en verdadeiros leóns que durmiron, pasearon pola selva e ata ruxiron un pouco; como podedes comprobar nas seguintes fotos:

A segunda sesión consistiu na audición "O cuco na profundidade do bosque". 

Para iso, convertímonos en verdadeiros cucos e aprendemos a escoitar ao cuco e saír da profundidade do bosque cando soaba o seu chío. Aquí os podedes ver!

Na terceira sesión escoitamos a audición "O canguro", empregando un pequeno canguro de papel que nos axudou a comprender os conceptos rápido/lento mentres escoitabamos a peza. Logo convertémonos en canguros e saltamos pola aula seguindo o ritmo da audición.

Na cuarta sesión lembramos os animais que traballamos ata o momento, e que ben! acordámonos de todos! A continuación escoitamos unha nova peza, o "Acuario", onde neste caso os protagonistas eran os peixiños.

 Esta vez empregamos panos de cores, que imitaban ás diferentes cores dos peixes para distinguir as dúas partes da peza con diferentes movementos; a parte A con movementos circulares e a parte B con movementos en zig zag. Foi todo un éxito!

Por último, e para por rematadas as actividades co Carnaval dos animais de Camille Saint-Saëns, escoitamos a audición "Personajes de largas orejas" para traballar os conceptos grave e agudo. 

Para iso empregamos unha frauta de émbolo, que nos fixo moita gracia e coa que o pasamos xenial mentres saltábamos cando a frauta soaba de grave a agudo e nos agochabamos cando a frauta soaba de agudo a grave. Por último coñecemos por primeira vez ao carillón, co que experimentamos e tocamos sons agudos e graves.

Ata aquí as actividades do Carnaval dos animais! 

OBRADOIROS PONTE A ZERO "QUEN VIVE AÍ?"

 O alumnado de 3º e 4º viviu este martes un obradoiro no que aprenderon que era, para que se emprega e como se elabora o compost. 

                                        

Ademais, tamén puideron observar en directo a vida que existe no compost, buscando con lupa os diferentes animais que puideron atopar e que podedes comprobar neste vídeo. 

Axudaronse de diferentes esquemas para diferencialos e poñerlles nome, neste vídeo tedes un resumo do ben que o pasaron:

 

Ademais, o alumnado de 5º e 6º, coincidindo co día mundial dos dereitos do consumidor (15 marzo), recibiu unha charla para evitar o estrago de alimentos.

8M ENTRE INVESTIGACIÓNS E ACTUACIÓNS MUSICAIS

O pasado venres conmemoramos no cole o 8M (Día da Muller) con diversas actividades:

durante o día, todos os cursos visualizaron o vídeo: "Raspiña, Shu e as mulleres do mar"; onde nos falan da importancia das mulleres no mar. 

Ademais, os protagonistas do vídeo son animais do oceáno, polo que fixemos unha pequena investigación dos animais que aparecen no vídeo, así como diferentes científicas que traballaron no mar.

O alumnado de infantil, 1º  e  2º ciclo levaron a cabo investigacións da centola, lumbrigante, ameixa, ourizo, rape e a raia empregando os fondos bibliográficos seleccionados polo Equipo de Biblioteca: 

PINCHADE NAS FOTOS PARA VER MÁIS!

O alumnado de 5º e 6º de EP investigou diferentes mulleres científicas do mar empregando os ordenadores.

Logo, o alumnado de 5º de EP leu un pequeno manifesto e cantou un fragmento da canción "Que non mo neguen" das Tanxugueiras e o alumnado de 6º de EP realizou unha batucada, preparada ambas actuacións coa mestra de música e danza; que poderedes ver se pinchades AQUÍ.

PRÓXIMAMENTE COLGAREMOS AS INVESTIGACIÓNS REALIZADAS...ESTADE ATENT@S!

SEMANA DA PRENSA

O alumnado do centro, coa colaboración das familias, recopilou noticas de animais e océanos de diferentes periódicos durante a semana da prensa.

O mural atópase no corredor do cole e aquí o podedes ver! 

Moitas grazas ás familias pola colaboración.

CIENCIA E MOVEMENTO COS OCÉANOS E MULLERES NA CIENCIA

O pasado 19 de febreiro tivemos con nos a Jesús e a súa compañeira, que nos fixeron uns talleres a todos os cursos en relación aos océanos a ás mulleres na ciencia, con motivo da celebración do Día da Muller e a Nena na Ciencia, o 11 de febreiro.

Experimentamos coa auga e vimos algúns descubrimentos por algunhas mulleres científicas do mar.

Pinchade nas fotos para ver máis!

5º E 6º VISITAN O SEO BIRDLIFE

O pasado mércores 28 o alumnado de 5º e 6º realizou unha actividade de avistamento de aves grazas a colaboración do Concello do Grove e SEO. (Sociedade Española de Ornitoloxía). 

Primeiramente recibimos unha charla informativa na que aprendemos sobre a migración das aves, porque as aves fan parada no Grove, a importancia do coidado destas... etc.

Posteriormente fomos ata a Toxa e entregáronnos un caderno, unha guía e uns prismáticos a cada un. Tamén contábamos con varios telescopios, polo que tiñamos que ir anotando os nomes científicos e comúns das aves que observábamos, como o cormorán, a garceta, a garza real... 

Aprendemos un montón e pasámolo xenial!