Debido ao recente premio recibido polo Ministerio de Educación, o xornal "A Voz de Galicia" fíxose eco da nosa nova! Moitas grazas!
Podedes ver a nova pinchando aquí:
luns, 30 de outubro de 2023
AS MOCHILAS VIAXEIRAS COMEZAN O SEU CAMIÑO
Este luns, o Sabichón quere facernos de novo un agasallo moi especial. As mochilas viaxeiras viaxarán por segundo curso a todas as familias!
Como xa sabedes, cada curso contará cunha mochila viaxeira, que inclúe libros, cómics, revistas... para que alumnado e familias disfruten xuntos do tempo de lectura.
O contido das mochilas é sorpresa... que intriga!💭
Ademais, cada mochila contará cun diario, onde os nenos e nenas reflexarán os libros que máis lles gustaron a través de debuxos, resumos, fotos lendo... e todo o que a vosa imaxinación queira!
Esta mochila viaxará cada semana a unha familia diferente, polo que todo o alumnado e familias poderán disfrutar deste fantástico agasallo durante unha semana. É importante respectar os prazos e coidar o material para que todos e todas gozemos da mochila viaxeira.
Ademais, de forma voluntaria, as familias poderedes enviar fotos disfrutando da lectura ao email do cole (ceip.asbizocas@edu.xunta.gal), así poderemos ver o ben que o pasades xuntos!
Os voluntarios de biblioteca encargáronse de repartilas en todas as aulas, polo que comeza a súa viaxe!
xoves, 26 de outubro de 2023
XA TEMOS TÍTULO DO PDI 23/24 E CONCURSO DO LOGO!
Despois de realizar asambleas en todos os cursos e poñer en común ideas... xa temos título do PDI 23/24!
MERGULLÁMONOS NO MUNDO ANIMAL
Polo tanto, anunciamos xa o concurso do logo do PDI!
Sorte aos participantes!
TEATRO POLO DÍA DAS BIBLIOTECAS
O martes 24 de Outubro, todo o alumnado e profesorado do C.E.I.P. As Bizocas disfrutou do gran espectáculo do Día das Bibliotecas pola compañía de teatro Viravolta coa obra "A nena que rega a alfabaca e o príncipe preguntón".
Pasámolo moi ben! Grazas pola visita!
Autores/as: Jairo, Antón, Carmen, Noa.
venres, 20 de outubro de 2023
VISITA CAMPING FIEITÁS
O venres 29 de setembro de 2023 fumos andando dende o colexio 5º e 6º ao Camping Fieitás, alí dividíronnos en 2 grupos: un grupo foi a plantar fresas e o outro a construir unha casa con paus.
Tamen fumos a casa caracola de visita e pasamolo xenial, sobre todo Pablo que lle encantaron os xirasois; máis tarde presentáronnos as mascotas do camping: un can e un ghato chamados Maléfica e Frus.
Moitas grazas pola invitación! Pasámolo moi ben!
Autores: Núria, Jairo, Pablo e Yanira.
xoves, 19 de outubro de 2023
2ª SESIÓN DO CLUB DE LECTURA
Os nenos e nenas do Club de Lectura reunímonos esta semana para comentar o libro das "Formigas. Misión camiño de Santiago."
Lemos ata a paxina 49 como acordamos e despois comentamos o libro: cal era o noso personaxe favorito, que pensabamos que ía pasar ao final...
Por último entregamos os debuxos para o concurso dos logos do club de lectura para o curso 2023-2024.
Maya e Mara.
luns, 16 de outubro de 2023
OBRADOIRO DE LETTERING POLOS/AS VOLUNTARIOS/AS DE BIBLIOTECA
O alumnado de 5º de EP realizou un taller de lettering co alumnado de 3º, onde lles ensinaron a empregar o estilo lettering!
venres, 13 de outubro de 2023
FORMACIÓN DE USUARIOS NO 3º CICLO
O alumnado de 3º ciclo recibiu a formación de usuarios para coñecer e ser partícipes do funcionamento e organización da biblioteca.
Ademais, os voluntarios e voluntarias de biblioteca serán encargados de realizar os empréstitos e devolucións de libros durante os recreos, entre outras funcións.
martes, 10 de outubro de 2023
FORMACIÓN DE USUARIOS NO 2º CICLO
Durante esta semana o alumnado do 2º ciclo recibiu a formación de usuarios para lembrar o funcionamento e organización da biblioteca, o emprego de Meiga para os préstamos, normas da biblio...
Estiveron moi atent@s!
luns, 9 de outubro de 2023
FORMACIÓN DE USUARIOS NO 1º CICLO
O alumnado de 1º ciclo de EP tamén recibiu formación de usuarios, na que lembramos as normas da biblio, as zonas da biblioteca, a ubicación dos libros...
xoves, 5 de outubro de 2023
COMEZAMOS CO VOLUNTARIADO DE BIBLIOTECA!
Dende a última semana de setembro está en marcha o voluntariado de biblioteca.
O alumnado de 5º e 6º voluntario recibiu un carné acreditativo e é o encargado de axudar aos mestres responsables da biblioteca durante o recreo, e realizan diversas funcións como por exemplo:
- Préstamos e devolucións de libros
- Organización e colocación de libros
- Renovación das estanterías de libros por conmemoracións
-Dirixir talleres
- e máis actividades que iremos realizando ao longo do curso.
Pronto se realizarán as sesións de formación de usuarios, para recibir unha formación máis específica.
Moitas grazas voluntari@s!
mércores, 4 de outubro de 2023
RECIBIMOS UN PREMIO A NIVEL NACIONAL POLO CLUB DE LECTURA 22/23!
Nestos días recibimos unha súper boa noticia: fumos premiados no concurso de Premios de Clubs de Lectura escolares a nivel nacional, quedando dentro dun dos terceiros premios!
Noraboa a todos os participantes do club de lectura do curso pasado! Este ano tentaremos facelo tan ben ou mellor!
Aquí podedes ver a noticia completa:
Tamén fumos noticia na Voz de Galicia, poderedes vela aquí: https://www.lavozdegalicia.es/noticia/arousa/2023/10/20/club-lectura-ceip-as-bizocas-premiado-ministerio-educacion/0003_202310A20C4991.htm
luns, 2 de outubro de 2023
COMEZAMOS O CLUB DE LECTURA 23/24
O club de lectura do CEIP As Bizocas deu comezo a súa primeira sesión! Debido a que este curso somos moitos e moitas, dividiremonos en dous días para 5º e 6º de EP.
Hoxe comezamos con 5º, démonos a benvida e explicamos o funcionamento do club durante este curso.
Ademais, comezamos coa primeira lectura do curso: "Formigas. Misión camiño de Santiago" que comentaremos na próxima sesión e que nos servirá para levar a cabo unha actividade moi chula que vos iremos contando. Como vedes, o libro segue a temática do PDI deste curso, xa que as protagonistas son animais!
Tamén comezamos coa creación dun logo para o club de lectura, así como un nome, que será escollido entre todos os debuxos que se presenten.
Vémonos na próxima sesión!
Subscribirse a:
Publicacións (Atom)