CONTACONTOS MARUJA MALLO

 

        Venres 27 de maio de 2022

Os cativos/as de 5.º de Infantil, 1.º e 2.º de Primaria participamos nun contacontos sobre Maruja Mallo, unha destacada pintora surrealista galega que abriu camiño ás mulleres de xeracións posteriores. 

Esta actividade está enmarcada no programa "Donas de si" do Plan Proxecta.

A través do relato da súa historia por parte de Enrique Mauricio e da ilustración que Tania Solla ía creando á vez, achegámonos un pouquiño máis á súa vida e obra.

Ao rematar, cada un/unha de nós foi creando a caricatura de Maruja seguindo as indicacións que nos ían dando. Non o fixemos nada mal!

Non vos perdades o vídeo! 

 

 

CHARLAS ACTIVIDADE FÍSICA

Xoves 26 de maio de 2022

Os nenos/as de 3.º a 6.º de Primaria continuaron coas charlas enmarcadas no fomento dunha vida saudable. Nesta ocasión fixeron actividades arredor da ACTIVIDADE FÍSICA.

En breve, subiremos as fotos.

EXCURSIÓN FIN DE CURSO SANTIAGO

Martes 24 de maio de 2022

Este ano, a situación derivada da pandemia permitiunos realizar a excursión de fin de curso que tanto botabamos en falta.

O lugar elixido foi SANTIAGO DE COMPOSTELA, xa que O Camiño de Santiago é o tema arredor do que estamos a traballar todas as clases ao longo do curso.

Así que, tal como di o título do noso proxecto "Bi...zocas ao camiño" puxemos rumbo á capital galega.

Polo mañá, organizados por grupos, puidemos:

• Facer unha visita guiada ao museo da Catedral.
• Subir ás cubertas.
• Facer unha ruta no tren turístico.
• Visitar o interior da Catedral.

 

 

 

 

 

 

 

 

 

 

 

 

Pola tarde, agardounos outra divertida visita ao Museo de Historia Natural.

 

 

 

 

 

 

 

 

Botádelle un ollo ao seguinte vídeo de 1.º e 2.º de Primaria.

 

 

A PESAR DA CHOIVA, FOI UN DÍA XENIAL!

 

Día das Letras Galegas 2021/2022

Hoxe, 17 de maio, festexamos o Día das Letras Galegas. 

Para celebralo actualizamos o noso vídeo dicionario con máis verbas relacionadas coa nosa terra e contorna tal como facía Florencio Delgado Gurriarán na súa obra, poñendo en valor o agro, a natureza e a nosa cultura.

Para ver o vídeo dicionario premede na imaxe.

Ademais, realizamos un pequeno festival no que por grupos, os nenos/as cantaron cancións populares da nosa tradición galega. Os encargados de ensaiar e dirixir aos grupos foron os alumnos/as de 6.º de Primaria. Fixérono xenial!

OS ENSAIOS...

 "A RIANXEIRA"

 

"SEMENTAR SEMENTAREI"

 

"A SAIA DA CAROLINA"

"PIRIPIMPIM"

 "O GALO CANTA"

FELIZ DÍA DAS LETRAS GALEGAS!

CHARLAS ALIMENTACIÓN SAUDABLE

 Martes 10 e xoves 12 de maio de 2022

Deixámosvos unha pequena mostra das charlas sobre ALIMENTACIÓN SAUDABLE que tiveron lugar no colexio os días 10 e 12 de maio e que ían dirixidas ao alumnado de 3.º a 6.º de Primaria.

Para ver o vídeo, premede en PLAY.

SAÍDAS POLA CONTORNA

Xoves 5 e venres 6 de maio de 2022

Os alumnos/as de 3.º, 4.º, 5.º e 6.º de Primaria emprederon o camiño a mañá do xoves 5 de maio e dirixíronse ao Centro Vacacional A Lanzada, onde degustaron un completísimo almorzo.

Os cativos/as de Infantil, tamén realizaron esa mesma mañá unha saída pola contorna. O seu destino foi o porto de San Vicente. Aquí tedes unha pequena mostra do seu percorrido.

O venres 6 de maio, os nenos/as de 1.º e 2.º de Primaria visitaron o monumento adicado aos voluntarios do Prestige, situado en San Vicente, facendo varias paradas ao longo do paseo marítimo e das praias da zona.

SEN DÚBIDA, TRES XORNADAS FANTÁSTICAS!!!

DÍA DO LIBRO 2021/2022

 semana 18-22 de abril de 2022

Con motivo da celebración do Día do Libro, realizamos diversas actividades ao longo da semana:

CREAMOS PORTADAS DE CONTOS

Os/as voluntarios/as da biblioteca elaboraron...

CARTEIS INFORMATIVOS

Realizamos LECTURAS en todas as aulas.

Participamos nun xogo no que cada neno/a escribía un parágrafo dun conto e os demais tiñan que adiviñar QUE CONTO É?

E por se fora pouco, gravamos un vídeo con varios...

BOOKTRAILERS

  FELIZ DÍA DO LIBRO!!!