SAÍDA CULTURAL Á BIBLIOTECA DE SAN VICENTE POLO DÍA DO LIBRO

Con motivo da celebración do Día do Libro, o pasado mércores desprazámonos ata a biblioteca de San Vicente para a obra de teatro "Titiricircus de Tanxarina".

Pasámolo moi ben e gustounos un montón!

CONCURSO DE BIBLIOTECAS DE AULA POLA SEMANA DO LIBRO

 Como sabedes, este trimestre estivemos inmersos na renovación das bibliotecas de aula con motivo da celebración da semana do libro.

Este venres, tras moitas semanas de esforzo e traballo para crear os mellores recunchos de lectura do centro; levouse a cabo o concurso de bibliotecas de aula, no que fixemos unha visita por todas elas para logo valoralas e decidir cales son as gañadoras. 

Deixámosvos un vídeo da xornada, que foi moi emocionante!

Pronto se descubrirán as bibliotecas gañadoras! Moita sorte a tod@s!

Esta actividade, enmarcada dentro dos retos de polos creativos. Trátase do kit singular "Design Thinking"; plantexouse un desafío (establecer en cada aula un recuncho de lectura agradable, orixinal, creativo...) e atopar unha solución innovadora. Implicou a observación, a xeración de ideas e resolución do reto. 

BECHOCONSTRUCIÓN EN 2º E 3º CICLO DE PRIMARIA

Este pasado martes tivemos de novo ás compañeiras de Xesta Brava para ensinarnos a facer un hotel de bechos e explicarnos a importancia dos insectos na nosa vida! Estivemos repasando os nomes de diferentes bichiños, o seu ciclo de vida... e logo puxémonos mans a obra, como podedes ver nos vídeos. 

Por último, saímos ao patio con diferentes ferramentas como lupas, pinzas, microscopios... para ver se atopábamos algúns dos animais dos que falaramos... e vaia se atopamos!

BECHOCONSTRUCIÓN EN INFANTIL E 1º CICLO

A pasada semana o alumnado de infantil e 1º ciclo participou nun obradoiro de "bechoconstrución". Tratouse  dunha actividade na que o alumnado tivo que construir un hotel de bechos empregando materiais  da natureza  e algún refugallo.

Ao rematar fixemos unha busca de bechos polo noso patio. Aquí podedes ver un pequeno resumo!

CONTINÚAN AS ACTIVIDADES EN FOROACUI

 

O proxecto Menudo ForoAcui, proxecto, no que o Instituto de Investigacións Mariñas (CSIC) colabora coa Universidade de Santiago de Compostela e o Foro dos Recursos Mariños e da Acuicultura das Rías Galegas, financiado por o FECYT segue activo con diferentes actividades como a que vedes na imaxe, que foi noticia na Voz de Galicia e que podedes ver pinchando no seguinte enlace:  https://www.lavozdegalicia.es/noticia/arousa/o-grove/2024/04/07/menudo-foroacui-lleva-cultivo-mejillon-aulas/0003_202404A7C4991.htm

NOVO RETO NO CLUB DE LECTURA

Dende comezos do terceiro trimestre, o alumnado do club de lectura está inmerso nun novo libro, esta vez, de teatro. Trátase do libro "Somos os monstros" de Paula Carballeira.

Veremos que podemos facer! Por agora... a ler!

SAÍDA CONXUNTA DO CLUB DE LECTURA DO BIZOCAS E DO VALLE-INCLÁN A SANTIAGO DE COMPOSTELA

O  martes 9 de abril o alumnado do club de lectura de 5º e 6º de EP realizaron unha excursión a Santiago de Compostela con motivo da lectura do libro "Formigas. Misión Camiño de Santiago" de Pere Tobaruela. 

Compartimos a viaxe co Club de Lectura do CEIP Valle-Inclán, que tamen fixo esta lectura  e resultou unha xornada de convivencia estupenda; na que fixemos un roteiro polo casco histórico de Santiago e visitamos o interior da Catedral. Alí puidemos achegarnos ata zonas que se mencionaban no libro para velas en directo.

Na Alameda repuxemos forzas coa comida e visitamos diferentes estatuas que por alí se atopaban: Valle-Inclán, Rosalía de Castro, as Marías... e rematamos a xornada nun parque infantil.

Aquí vos deixamos un vídeo resumo do ben que o pasamos!