CONTACONTOS FAMILIARES EN ED.INFANTIL: EMMA

 Hoxe tivemos unha visita moi especial en Educación Infantil:

O pai e a nai de Emma viñeron compartir con nós un momento precioso arredor da lectura. Foi o seu papá, Emmanuel, quen nos leu o conto “Vera la aventurera”, da colección As Fantasticotas, o libro preferido de Emma.

Contounos que na casa len un cachiño cada día, convertendo a lectura nun momento especial en familia. E hoxe Emma tamén quixo formar parte da historia: axudou ao seu pai lendo algunha páxina, con moita ilusión e seguridade. Foi un orgullo vela participar así!

O alumnado estivo moi atento, gozando da historia e da sorpresa de ter uns papás contacontos outro día máis. Encántanos abrir as portas da nosa biblioteca ás familias e compartir xuntas experiencias que fomentan o amor polos libros desde ben pequeniños.

Moitas grazas á familia de Emma por vir, por compartir o seu tempo e por regalarnos este momento tan bonito!

ENTROIDO GALÁCTICO 2026

 O noso centro celebrou un Entroido Galáctico inesquecible! 🚀✨

Este ano viaxamos polo universo con disfraces de planetas, estrelas e astronautas, e preparamos un divertido photocall galáctico no que participaron todos os cursos, deixando fotos cheas de creatividade e ilusión. Podedes ver todas as fotos AQUÍ.

Visita ao IES As Bizocas 

Un dos momentos máis especiais foi a visita ao IES As Bizocas, que nos convidou ao seu Festival de Bandas Sonoras. Estamos moi agradecidos pola invitación e pola acollida. Grazas Belén, a profe de música do IES e a todo o claustro por convidarnos!

Encantounos ver a conexión do alumnado, o ben que se organizaban e o bo ambiente que había.

Nós tamén actuamos co baile que preparamos en Música e Danza: “Carnivalito” de Shenigans. É unha peza moi alegre e dinámica, con ritmos inspirados no entroido latinoamericano, que nos fixo traballar a coordinación e, sobre todo, gozar bailando en grupo.

Merenda e desfile 

De volta ao cole, compartimos unha deliciosa merenda doce típica de Entroido. Moitísimas grazas ás familias pola vosa colaboración e por acompañarnos.

Aínda que non o tiñamos claro polo tempo, a choiva deunos unha tregua e puidemos facer o desfile fóra. Lucimos os nosos disfraces galácticos e bailamos de novo para as familias.

Foi un día cheo de alegría, convivencia e moita festa. Grazas ás familias por participar e formar parte destes momentos tan especiais! 💙✨

OBRADOIRO CIENTÍFICO POLO DÍA DA MULLER E A NENA NA CIENCIA

x

O mércores 11 de febreiro celebramos no cole o Día Internacional da Muller e da Nena na Ciencia dunha maneira moi especial: coa visita do obradoiro “Ciencia en Movimiento”, cun taller en sobre o espazo e o sistema solar, seguindo co noso proxecto sobre o Universo.

Durante a xornada, todo o alumnado de Educación Infantil e Educación Primaria asistiu á exposición e puido ver e participar en diferentes experimentos que nos axudaron a comprender mellor as estrelas, as galaxias e o espazo.

Tamén coñecemos o traballo de mulleres científicas moi importantes na historia da astronomía. Faláronnos de Henrietta Leavitt, cuxos estudos sobre as estrelas permitiron medir mellor as distancias no Universo, e de Jocelyn Bell Burnell, descubridora dos púlsares cando aínda era estudante.

Foi unha actividade moi interesante e enriquecedora, na que aprendemos ciencia e puxemos en valor o papel das mulleres no mundo científico.

Seguimos explorando o Universo con curiosidade e ilusión! 🚀✨

CONTACONTOS FAMILIARES EN ED. INFANTIL: SABELA

 Esta semana tivemos unha visita moi especial no cole. A familia de Sabela quixo compartir con nós un momento moi bonito e veu Maribel a facernos un fantástico contacontos.

Maribel contounos dúas historias moi divertidas: “A vaca que puxo un ovo” e “Primeira semana na escola de vacas”. Escoitamos con moita atención e participamos durante os contos. Fíxoo xenial e encantounos a súa maneira de contar as historias!

Pero a sorpresa non acabou aí…  Tamén trouxo un proxector de estrelas e constelacións, que nos permitiu observar o teito da aula como se fose o ceo nocturno. Foi unha experiencia máxica que nos axudou a seguir aprendendo sobre o Universo, relacionándoo co noso proxecto.

Moitas grazas á familia de Sabela e, especialmente, a Maribel por compartir este momento tan especial con nós. Encántanos contar coa participación das familias no cole! 

OS RELATOS DE MEDO XA ESTÁN AQUÍ!

Nas últimas sesións do club de lectura fomos á Radio Sabichón do cole para vivir unha experiencia moi especial. Despois de ler Relatos de pantasmas, traballamos en grupo para crear os nosos propios relatos de medo, cheos de misterio e imaxinación.

Cando os relatos estiveron listos, gravámolos na radio. Alí aprendemos como funciona unha emisora, usamos os micrófonos e sentimos o que é falar na radio de verdade. Foi unha actividade moi divertida e diferente.

Encantounos a experiencia e pasámolo xenial como locutores por un día. Os audios xa están listos para escoitar! 

PINCHADE AQUÍ!

OBRADOIRO CIENTÍFICO: HOLOGRAMAS DO SISTEMA SOLAR POLO DÍA DA MULLER E A NENA NA CIENCIA

Este mércores 11 de febreiro tivemos no cole unha actividade moi especial dentro do PDI sobre o espazo. 

O alumnado de 5º de Educación Primaria foi o encargado de impartir un obradoiro científico, organizado coa axuda da súa profe Sandra, que coordinou todo con moito agarimo.

O obradoiro celebrouse o mércores 11 de febreiro, coincidindo cunha data moi significativa: o Día da Muller e a Nena na Ciencia. Unha ocasión perfecta para seguir espertando a curiosidade científica no noso alumnado.

Durante a actividade, explicaron que son os hologramas, como funcionan e para que se utilizan, e puidemos ver o sistema solar a través deste efecto, facendo a aprendizaxe aínda máis visual, sorprendente e divertida 

Unha experiencia na que o alumnado aprende, investiga e comparte coñecementos, converténdose en auténticos divulgadores científicos.

📅 Incluímos o horario de cada clase para que todos e todas poidan participar nesta interesante proposta.

Parabéns ao alumnado de 5º e á súa profe pola iniciativa e polo traballo realizado.

Seguimos explorando o espazo… desde o cole 🚀

TEMOS UNHA MISIÓN ESPACIAL MOI ESPECIAL: COIDAR O NOSO PLANETA

No noso cole estamos inmersos no PDI sobre o espazo, pero estes días a aventura levounos un pouco máis preto… ¡ata a Terra! 🌎

Os nenos e nenas de Educación Infantil convertéronse en auténticos astronautas da reciclaxe e percorreron as aulas de Primaria cunha misión moi importante: pedir axuda para poñer en marcha e coidar o composteiro do cole.

Pero… 🤔 que é iso do composteiro?

O composteiro é un lugar onde botamos restos orgánicos, como peles de froita ou restos de comida, para que se transformen en compost, un abono natural moi bo para as plantas. Así reducimos o lixo, reciclamos e axudamos a coidar o planeta. Un pequeno xesto que ten un impacto enorme no futuro da nosa Terra .

A resposta non puido ser mellor: todos os cursos de Primaria se animaron a participar, escoitando con atención, facendo preguntas e comprometéndose a colaborar. 

Queremos dar as grazas aos nenos e nenas de Infantil por esta fantástica iniciativa, e tamén a todos os cursos de Primaria pola súa participación e ganas de axudar.

Seguimos coa nosa viaxe polo espazo… sen esquecer que o noso planeta é o máis importante de todos.

¡Boa misión, equipo!

CONTACONTOS FAMILIARES EN ED. INFANTIL: ANTÓN

 Esta semana tivemos no cole un contacontos moi especial da man da mamá de Antón, que nos leu o conto Avós.

É unha historia chea de tenrura que fala do amor entre avós e netos/as, dos recordos compartidos e da importancia da familia. 

Desde o cole queremos agradecer á familia de Antón a súa colaboración e por compartir con nós esta fermosa experiencia.

Grazas por achegar a lectura e o agarimo á escola!

INVESTIGANDO A LÚA EN INFANTIL

O alumnado e as profes de Educación Infantil seguen a tope co PDI do cole sobre o espazo e, nesta ocasión, puxeron o foco na nosa veciña máis próxima: a Lúa 🌕

Para aprender máis sobre ela, investigaron na biblioteca, buscaron información, observaron imaxes e descubriron que a Lúa non sempre se ve igual no ceo. Así coñeceron as fases da Lúa e entender
on por que vai cambiando de forma ao longo do mes.

Despois de investigar, puxéronse mans á obra e realizaron unha manualidade coa que puideron representar e comprender mellor cada unha das fases. 

Así dá gusto seguir explorando o espazo… ¡Moi ben! 

UNHA CANCIÓN POLA PAZ...QUE CHEGOU ATA O ESPAZO

 No cole celebramos o Día da Paz dun xeito moi especial. Este ano propuxémonos crear algo entre todo o alumnado e así naceu unha canción colectiva na que participou todo o centro.

Cada clase escribiu unha estrofa, relacionando a paz co noso PDI deste curso: o espazo. 

Cando tivemos a canción preparada… chegou o momento máis emocionante! Gravámola no novo espazo de radio do cole, converténdonos por un intre en auténticos locutores e locutoras. Foi unha experiencia moi divertida e especial para todo o alumnado.

O resultado é unha canción feita entre todos e todas, que nos lembra que a paz tamén pode viaxar polo universo.

Podedes escoitala pinchando AQUÍ

Deixámosvos a continuación a letra:

                                                                 ESTE 30 DE XANEIRO 

TODOS IMOS CELEBRAR 

UN DIA MOI IMPORTANTE

O DIA MUNDIAL DA PAZ

TODOS XUNTOS CONSTRUIREMOS

UN MUNDO ESPECTACULAR

COIDAREMOS O PLANETA

AXUDANDO ÓS DEMAIS

NUN FOGUETE IMOS MONTAR

E ATA A LÚA CHEGAREMOS

E DENDE ALÍ IMOS BERRAR:

NON Á GUERRA E SI Á PAZ!

VIAXAREMOS TODOS XUNTOS

AO INCRIBLE MUNDO DA PAZ

AXUDAREMOS ÁS PERSOAS

E CONVIVIREMOS EN PAZ

TODOS XUNTOS CONSTRUIREMOS

UN MUNDO ESPECTACULAR

CONQUISTAREMOS PLANETAS

ONDE SEMPRE REINE A PAZ

BAIXO UN MESMO SORRISO

NON HAI MUROS NIN FRONTEIRAS

UNINDO AS NOSAS VOCES

SEREMOS UNHA BANDEIRA

UN DÍA PARA COMPARTIR

MIL RAZÓNS PARA SORRIR

NON BUSCAMOS O CONFLITO

SENON RESPECTO E PAZ

ESTA CANCIÓN REMATARÁ

A PAZ SEMPRE DURARÁ

NESTE 30 DE XANEIRO

CANTAREMOS SEN PARAR

 ESTE 30 DE XANEIRO 

TODOS IMOS CELEBRAR 

UN DIA MOI IMPORTANTE

O DIA MUNDIAL DA PAZ

TODOS XUNTOS CONSTRUIREMOS

UN MUNDO ESPECTACULAR

COIDAREMOS O PLANETA

AXUDANDO ÓS DEMAIS

NUN FOGUETE IMOS MONTAR

E ATA A LÚA CHEGAREMOS

E DENDE ALÍ IMOS BERRAR:

NON Á GUERRA E SI Á PAZ!

VIAXAREMOS TODOS XUNTOS

AO INCRIBLE MUNDO DA PAZ

AXUDAREMOS ÁS PERSOAS

E CONVIVIREMOS EN PAZ

TODOS XUNTOS CONSTRUIREMOS

UN MUNDO ESPECTACULAR

CONQUISTAREMOS PLANETAS

ONDE SEMPRE REINE A PAZ

BAIXO UN MESMO SORRISO

NON HAI MUROS NIN FRONTEIRAS

UNINDO AS NOSAS VOCES

SEREMOS UNHA BANDEIRA

UN DÍA PARA COMPARTIR

MIL RAZÓNS PARA SORRIR

NON BUSCAMOS O CONFLITO

SENON RESPECTO E PAZ

ESTA CANCIÓN REMATARÁ

A PAZ SEMPRE DURARÁ

NESTE 30 DE XANEIRO

CANTAREMOS SEN PARAR

CONTOS QUE VIAXAN DE AULA EN AULA NO CLUB DE LECTURA

No noso cole as historias tamén se preparan con moito coidado… e con moito corazón.

O alumnado do Club de Lectura está a traballar con gran esmero na preparación de contacontos dirixidos aos máis pequenos e pequenas do centro: Educación Infantil e 1º ciclo de Primaria.

Están a escoller os contos, ensaiar as lecturas, pensar como contar mellor as historias e poñerlles emoción para que cada sesión sexa un momento especial. 

Todo este traballo verá a luz moi pronto, xa que os contacontos serán lidos dentro dos Plans Lectores, convertendo as aulas en auténticos recunchos máxicos cheos de palabras, imaxinación e soños.

Adxuntamos o calendario coas datas nas que se levarán a cabo os contacontos, para que todos e todas poidamos estar atentos a esta actividade tan especial.