Nas últimas sesións do club de lectura fomos á Radio Sabichón do cole para vivir unha experiencia moi especial. Despois de ler Relatos de pantasmas, traballamos en grupo para crear os nosos propios relatos de medo, cheos de misterio e imaxinación.
Cando os relatos estiveron listos, gravámolos na radio. Alí aprendemos como funciona unha emisora, usamos os micrófonos e sentimos o que é falar na radio de verdade. Foi unha actividade moi divertida e diferente.Encantounos a experiencia e pasámolo xenial como locutores por un día. Os audios xa están listos para escoitar!
Ningún comentario:
Publicar un comentario