2.ª sesión de CONTACONTOS FAMILIARES!!!
Que ben estamos a pasalo cando nos visitan as familias a lernos un conto.
Nesta ocasión acompañounos a mamá de Gael, e trouxo un libro fantástico titulado "EL HILO INVISIBLE", no que a súa protagonista, Nura, descubriu o segredo que garda o embigo.
Se queredes saber que sucede, podedes ver un vídeo clicando na seguinte imaxe.
Esta semana continuamos coa nosa Semana da Biblioteca, e fixémolo por todo o alto coa celebración do Día das Bibliotecas, o 24 de outubro.
📖💫 Feliz Día das Bibliotecas! Pinchade AQUÍ para ver máis fotos!
Xa están en marcha as mochilas viaxeiras no CEIP As Bizocas.
Cada curso recibiu a súa mochila, preparada para que alumnado e familias poidan ler xuntos, explorar e compartir durante unha semana.
Libros, cómics, revistas, xogos… un conxunto sorpresa que agarda por descubrir.
Un diario para que cada un reflexione sobre as lecturas que máis lle gustaron: poderán facer debuxos, resumir, poñer fotos lendo…
Porque queremos promover a lectura compartida, conectar a casa coa escola e facer da biblioteca un espazo vivo, dinámico e participativo. As mochilas viaxeiras son unha ponte entre o cole e o fogar, unha forma divertida de que a lectura saia da aula e entre no salón, no fogar, na familia.
Agardamos que cada semana sexa unha nova aventura lectora! 📖✨
O Club de Lectura da biblioteca xa está en marcha, e este trimestre comezamos cun libro moi axeitado para estas datas de Samaín: Relatos de Pantasmas de Steven Zorn. Unha escolma de contos de medo cheos de misterio, fantasmas e sustos… pero tamén moita diversión!
Para motivar ao grupo e espertar a curiosidade, organizamos un xogo de pistas dentro da biblioteca. As pistas íannos levando a recoñecer o libro: algunha imaxe de partes do libro e o símbolo da marca de Samaín no lombo do libro, servían para recoñecer que se trataba dunha historia de medo.
A medida que avanzaban, os participantes tiñan que empregar o tejuelo (a etiqueta do lombo do libro) para localizar o exemplar correcto nos andeis da biblioteca. Foi unha forma moi divertida de aprender a orientarse entre os libros e de coñecer mellor como funciona a clasificación da biblioteca! 📖🔍
Unha vez atopado o libro, fixemos unha lectura conxunta da presentación, falamos sobre o autor e o tipo de relatos que imos atopar… e deixamos marcada a tarefa para a próxima sesión: ler os dous primeiros capítulos.
O venres celebramos o Día das Bibliotecas, e por iso teremos uns días moi especiais cheos de retos lectores e actividades para todos os cursos.
Durante toda a semana realizaremos retos no Plan Lector, guiados polas nosas voluntarias de 6.º de Primaria, que xa están preparadas para acompañar, animar e axudar a todos os grupos. 💪📖
Aquí tes o calendario dos retos:
Así que esta semana vai ser moi especial e dedicada á nosa biblioteca, ese lugar cheo de historias, maxia e aventuras onde sempre hai algo novo por descubrir.
📚💛 Preparade os vosos libros, as vosas mochilas e a vosa imaxinación... comeza a Semana da Biblioteca!
Hoxe demos comezo ás sesións de contacontos familiares no 1.º ciclo, unha actividade que tiñamos moitas ganas levar a cabo tanto os nenos/as como as profes.
Nesta 1.ª sesión acompañáronnos a mamá e o papá de Noah Sisto, quenes nos tiñan preparada unha gran sorpresa. Trouxeron dous libros do espazo, o tema que como ben sabedes estamos a traballar este ano en todo o colexio.
Noah e a súa mamá foron os encargados de dicirnos unha gran cantidade de información sobre os planetas, o sistema solar, as estrelas... Quedamos todos abraiados con todo o que aprendemos sobre o universo.
Queredes saber cales son os libros que trouxeron?... pois aquí están:
Grazas por vir!!! Agardámosvos noutra ocasión!!!
Nestes días tivemos unha sorpresa moi especial na nosa biblioteca... ¡chegaron as novas mochilas viaxeiras! 🎉
Grazas ás voluntarias de biblioteca de 5.º e 6.º, que se encargaron de preparalas e repartilas con moita ilusión, agora cada neno e nena de Educación Infantil poderá levar unha mochila á casa cada semana.
Unha vez máis, grazas ás nosas voluntarias por facer posible este proxecto tan fermoso e por axudar a que os contos cheguen a todos os nenos e nenas de Infantil.
📚 Boas lecturas!
O pasado 15 de outubro, tivemos unha mañá moi especial na Axencia de Lectura de San Vicente. Alí agardábanos un grupo moi divertido: Mon e Pe, ou o que é o mesmo... os Ghazafelhos!
Chegaron con moita enerxía e convidáronnos a buscar contos na biblioteca onde o protagonista é o lobo. Pero non calquera lobo… ¡estes lobos teñen moitas caras e moitas historias! Houbo lobos simpáticos, lobos asustados, lobos que cambian, e tamén lobos que nos fixeron rir a gargalladas.
Durante 50 minutos de espectáculo, nenas e nenos do CEIP As Bizocas convertéronse en auténticos contacontos, axudando a Mon e Pe a dar vida ás historias. Xuntos traballamos a creatividade, a expresión corporal e oral, e sobre todo, o respecto polos demais.
👏 Grazas aos Ghazafelhos por facernos soñar e aprender cos contos!
Algunhas das súas tarefas son:
Organizar a biblioteca e colocar os libros nas súas estanterías.
Decorar o espazo, atendendo ás celebracións, á época do ano e aos proxectos do cole.
Axudar cos préstamos e devolucións dos libros.
Levar rexistros de incidencias (por exemplo, se algún libro está danado ou falta algo).
E, moi importante: axudar e ensinar aos compañeiros e compañeiras a escoller un libro bonito para ler.
Porque fan que a biblioteca sexa un lugar máis agarimoso, acolledor e ordenado.
Porque ao participar aprendemos a ser responsables e a colaborar co noso espazo común.
Porque fano ver que ler e prestar servizo aos compañeiros pode ser algo divertido.
Esta semana tivemos a primeira sesión do Club de Lectura do curso 25/26 e pasámolo xenial. Para celebrar o comezo, cada participante recibiu un pequeno agasallo: un lapis! ✏️✨
Nesta primeira xuntanza comezamos deseñando o logo do club e inventando o seu nome, para que sexa algo moi noso e especial. Tivemos moitas ideas divertidas e creativas! 💡📖
Xuntaremonos unha vez cada dúas semanas, para ler, facer actividades, sorpresas, preparar contacontos...quen sabe o que nos vai deparar a lectura!
Isto só é o comezo dunha gran aventura lectora! 🚀 Que faremos nas vindeiras sesións?
Boas amiguiñ@s! 🚀
Despois do éxito do Padlet do curso pasado -que poderedes bichear pinchando AQUÍ —, serviu como escaparate para amosar todo o traballo arredor do noso proxecto de centro, este ano repetimos experiencia... pero máis alá das estrelas!
Dámoslle a benvida a “Bizocas en Órbita”, o novo Padlet colaborativo onde as mestras poderán ir subindo as distintas actividades e propostas que se vaian desenvolvendo nas aulas en relación ao Proxecto Documental Integrado deste curso: o ESPAZO 🌌🪐🌍.
Un mural dixital onde, aula a aula, iremos compartindo fotos, vídeos, murais, experimentos, contos, cancións, xogos, exposicións... todo aquilo que nos leve a coñecer mellor o universo que nos rodea. Igual que fixemos no curso 2024-25, queremos construír entre todos e todas un espazo visual onde se vexa o gran traballo que se fai día a día nas aulas.
Documentar o proceso de traballo do PDI en cada etapa.
Facer visible a creatividade e implicación do alumnado.
Compartir ideas e inspirarse mutuamente.
Crear unha memoria colectiva do proxecto anual.
📎 O acceso ao Padlet xa está dispoñible para todos, para ver e incluir información. Só tedes que entrar na ligazón, premer no botón “+” para engadir unha nova publicación, e incorporar o voso contido.
💡 Non esquezades:
Poñer o curso/aula no título.
Engadir unha breve descrición da actividade.
Incorporar imaxes ou vídeos se os hai.
📸 Se o Padlet do ano pasado foi un éxito, este ten que chegar ata a Lúa!
A nosa biblioteca escolar abre hoxe as súas portas para todo o alumnado e para celebralo realizamos un xogo de pistas para coñecer nada máis e nada menos que... o título da nosa PDI!
¡A biblioteca agárdate!
Xa temos aquí o concurso para o deseño do logo do PDI deste curso:
Os requisitos son:
