CONTACONTOS NA AXENCIA DE LECTURA DE SAN VICENTE

 O pasado 15 de outubro, tivemos unha mañá moi especial na Axencia de Lectura de San Vicente. Alí agardábanos un grupo moi divertido: Mon e Pe, ou o que é o mesmo... os Ghazafelhos!

Chegaron con moita enerxía e convidáronnos a buscar contos na biblioteca onde o protagonista é o lobo. Pero non calquera lobo… ¡estes lobos teñen moitas caras e moitas historias! Houbo lobos simpáticos, lobos asustados, lobos que cambian, e tamén lobos que nos fixeron rir a gargalladas. 

Durante 50 minutos de espectáculo, nenas e nenos do CEIP As Bizocas convertéronse en auténticos contacontos, axudando a Mon e Pe a dar vida ás historias. Xuntos traballamos a creatividade, a expresión corporal e oral, e sobre todo, o respecto polos demais.

Tamén aprendemos algo moi importante: os contos poden ensinarnos que non todos somos iguais, pero todos merecemos ser tratados con respecto, sen importar se somos lobos, porquiños, princesas ou heroes.

Foi unha actividade chea de risas, participación e aprendizaxe, onde a lectura e o teatro uníronse para facernos pasar un rato marabilloso.

👏 Grazas aos Ghazafelhos por facernos soñar e aprender cos contos!