CELEBRAMOS O DÍA DAS BIBLIOTECAS!

Esta semana continuamos coa nosa Semana da Biblioteca, e fixémolo por todo o alto coa celebración do Día das Bibliotecas, o 24 de outubro.

Aproveitando o fío condutor do noso proxecto "Bizocas en órbita" —o espazo—, seguimos a divertirnos e aprender cos diferentes retos espaciais que preparáramos:

✨ Con imáns, construímos elementos do espazo, como estrelas, planetas ou cohetes.

🧱 Con Legos, deseñamos as nosas propias naves espaciais.

🌕 Cos Kapla, recreamos as fases da Lúa.

🎲 Cos Story Cubes, inventamos e contamos historias orais sobre o espazo.

🌌 E co proxector de imaxes, aprendemos a recoñecer galaxias, a Vía Láctea, o Sol e os planetas.

As voluntarias da biblioteca tiveron un papel fundamental nesta celebración: foron as encargadas de explicar, guiar e axudar en cada actividade, e fixérono de marabilla.

 Grazas a elas, todo funcionou á perfección e pasámolo xenial! 👏

Deste xeito, entre xogos, aprendizaxe e moita ilusión, celebramos o Día das Bibliotecas, un día especial para lembrar que os libros e a lectura tamén poden levarnos tan lonxe como unha nave espacial. 🌠

📖💫 Feliz Día das Bibliotecas! Pinchade AQUÍ para ver máis fotos!