Xa temos a gañadora! Rematamos o concurso do pasaporte lector con moitas historias no peto e… entregámoslle o premio á nosa lectora máis aventureira.
¿Quen é? Ariadna Vidal, unha auténtica fan dos contos, que sumou lecturas, compartiu recomendacións e gozou de cada páxina.
As voluntarias de biblioteca entregáronlle un agasallo sorpresa e un diploma para recoñecer todo o seu esforzo e agarimo polos libros.
Grazas a todos/as pola participación!
Seguimos lendo!
Hoxe tivemos un día moi especial no cole: a nosa mestra Ruth presentou o seu libro Aloia e a súa estraña dor de barriga, unha historia valente e emotiva escrita en galego.
O conto conta como Aloia, que sempre leva pinzas de cores no pelo, comeza a sufrir dores de barriga cada vez que vai á escola, e a través do apoio do seu amigo Aldán, atopa o valor para falar sobre o acoso escolar e liberar ese peso emocional.
Para facer aínda máis memorable o momento, foi o alumnado de 2º de Primaria quen protagonizou o contacontos. Leron con agarimo, expresividade e moita emoción, e conseguíronnos transmitir a mensaxe de valentía, empatía e apoio mutuo que Ruth quería compartir.
Como recordo desta xornada, cada neno e nena do cole recibiu unha pinza de cabelo. Esta pinza non só serve para adornar, senón que simboliza ese impulso necesario para ASEGURARSE que ningún compañeiro ou compañeira quede calado antes o malestar. Un detalle sinxelo cun significado moi grande: recordarnos a todos a importancia de escoitar, acompañar e defender.
Grazas, Ruth, por compartir con nós esta historia tan bonita e grazas aos contacontos de 2º por emocionarnos.
A nosa biblioteca non sería o que é sen a axuda desas persoas tan especiais que colaboran cada semana con nós: as nosas voluntarias.
Durante todo o curso, estiveron aí: organizando libros, preparando actividades, axudando cos préstamos, decorando espazos… e sempre cun sorriso e moitas ganas de sumar.
Foron un apoio imprescindible para que a nosa biblio siga sendo un lugar vivo, cheo de historias, lecturas e encontros.
Unha das cousas que máis ilusión nos fai cada ano é preparar a nosa revista escolar, onde recollermos todo o vivido no cole: actividades, contos, entrevistas, fotos, proxectos… ¡e moito máis!
Este curso convocamos o concurso para elixir a portada, e a participación foi incrible! Chegaron creacións cheas de cor, imaxinación e moita creatividade.
Tras moito valorar (porque escoller non foi nada doado!), xa temos gañadora.
A súa portada destacou polo seu deseño orixinal, polo xeito no que representa o noso cole… e pola ilusión que se nota en cada trazo. Por iso, quixemos entregarlle un pequeno premio como recoñecemento ao seu traballo.
Moi pronto poderedes ver a revista en papel, acompañada de todas as historias do curso.
A nosa incorporación ao PLAMBE está a darnos moitas alegrías… e tamén moitos cambios! Desde que formamos parte deste plan, a nosa biblioteca está a mellorar por fóra e por dentro.
Organizamos mellor os espazos, recolocamos os libros para que sexa máis doado atopalos, e puxémola máis bonita, máis acolledora… en resumo: máis ca nunca, unha biblio feita para desfrutar!
Pero o mellor de todo foi que estas melloras non as fixemos soas. Convocamos unha asemblea co equipo de voluntarios e voluntarias da biblio e recollimos todas as súas ideas. Opinións sobre como mellorar os recantos, onde colocar cousas, que quitar, que engadir… ¡menudo brainstorm fixemos!
Ademais, tamén adicamos un espazo para suxerencias de mellora da biblioteca nas enquisas de valoracion que facemos a finais de curso.
Este curso no cole estivemos a tope investigando coa arte: pintura, escultura, arquitectura, teatro, música, cine e literatura; enchendo as aulas de inspiración artística.
E agora... toca ensinarvos todo o que aprendemos no noso Proxecto Documental Integrado deste curso 24/25 "Pequen@s artistas"!
Para iso, teredes que anotar no seguinte formulario cantas persoas van acudir de cada familia, para poder organizar todo da mellor forma posible!
O último día para anotarvos será o martes 10 de xuño!
Enlace para inscribirse: https://forms.gle/vaSiBLgC41GF6S9G8
💬 Traede os ollos ben abertos e moitas ganas de aprender co talento do noso alumnado.
Animádevos a asistir! As familias tamén formades parte desta aventura artística, a vosa visita é o mellor aplauso para o noso alumnado, que puxo corazón, cor e moita imaxinación en cada obra. así que aquí vos esperamos coa alfombra vermella posta!
O alumnado de 5º de Primaria, inmerso no seu traballo do PDI, concretamente a arte do cine, preparou con moita ilusión unha fermosa representación de teatro de sombras para os nenos e nenas de Educación Infantil.
