1ª FASE DO PDI FINALIZADA!

Agora si! 

A primeira fase do proxecto xa finalizou! Todos os cursos están xa inmersos nas súas investigacións tras preguntarse que sabían sobre o PDI deste curso, e qué lles gustaría saber.

Aquí vos deixamos un recopilatorio de todos os cursos! 

Pinchade na imaxe para velo.

FORMACIÓN DE USUARIOS NA AXENCIA DE LECTURA DE SAN VICENTE

O mércores 13 de novembro saímos de ruta ata a Axencia de Lectura de San Vicente, onde nos esperaban Antón e Uxía.

Alí, explicáronnos como funciona a biblioteca, as temáticas de libros que podemos atopar, como se organiza... 

Despois fixemos unha actividade en equipo, na que tivemos que valorar diferentes aspectos dun libro que primeiramente tivemos que atopar.

Moitas grazas pola invitación!

MAGOSTO 2024

Este venres 8 de novembro celebramos no cole o magosto!

Á hora da merenda degustamos unhas deliciosas castañas asadas que trouxeron os nenos e nenas, e despois, un rico boliño de pan con chourizo.

Deixámosvos un vídeo recopilatorio do día! 

Podedes pinchar na foto para ver máis.

NOVOS FONDOS BIBLIOGRÁFICOS PARA O PDI!

Xa están dispoñibles na biblioteca os novos libros para a investigación do proxecto deste curso!

Libros de cine, escultura, pintura, música… atópanse neste recuncho adicado á PDI. 

Agora si, comeza a investigación!

TEMOS GAÑADORA DO LOGO DO PDI 24/25!

 Tras un longo debate debido ao elevado nivel dos logos, o Equipo de Biblioteca elixiu diferentes destacados de cada curso e a gañadora para o logo do PDI 24/25, no que a temática principal será a arte.
O logo gañador foi o de Uxía Moldes de 5º de EP! 

                                      Aquí o podedes ver!                                                                                                            
Noraboa Uxía!

SAMAÍN ARTÍSTICO

 O pasado mércores 30 celebramos no cole o Samaín.

O Equipo de Actividades Extraescolares organizou varias actividades para o día, aquí podedes velas!

- Exposición de Cabazas artísticas en colaboración coas familias!

- Taller sensorial! Mete a man se te atreves! 

-Photocall terrorífico con croma!

-Contos de medo intercursos!

Todos os cursos elaboraron os seus contos de medo que lle contaron a diferentes clases. Fixérono moi ben! Aquí vos deixamos vídeos e fotos para que vexades o ben que o pasaron.

O alumnado de Infantil recitou unhas adiviñas arrepiantes, a ver se as resolvedes!

O alumnado de 1º curso, elaborou un conto titulado " O bosque encantado" pinchade para velo!

O alumnado de 2º, 3º, 4º, 5º e 6º tamén crearon os seus propios contos, pinchade nas imaxes para velos!

Pasámolo de medo!