MANDADIÑOS DO MECO- ENTROIDO 23

 Boas amiguiños e amiguiñas!

Aquí vos presento os mandadiños deste entroido! Lembrade que o venres 17 faremos o desfile a partir das 10.30h e a merenda conxunta! As familias tamén estades convidadas a vir!

PODCAST DO LIBRO "VOLVERÁS, GOLFIÑO" NO CLUB DE LECTURA

Como vos prometemos en entradas anteriores, aquí tedes o podcast do libro que lemos no Club de Lectura. Xa veredes que hai variedade de opinións! 

Como veredes, o libro está incluido dentro do noso proxecto, xa que nos fala da importancia do coidado do medio ambiente e de desastres naturais como foi o Prestige.

Esperamos que vos guste! Pichade na foto para escoitalo enteiro!

MENSAXE CARNAVALEIRO DO SABICHÓN

Bos días amiguiños e amiguiñas!

 O Sabichón deixou unha mensaxe moi importante para vós!

  

VISITA DE BAIA FERNÁNDEZ

Luns 30 de xaneiro de 2023

Hoxe recibimos unha visita moi especial no colexio. A escritora e educadora emocional Baia Fernández De La Torre achegou aos nenos e nenas de 1.º e 2.º de Primaria a historia de "Laia". Trátase dun conto que ten como protagonista a Laia, unha nena pensativa, soñadora, amante da natureza e da "música paxaril".

A través da historia desta nena tan especial, adentrámonos no mundo das emocións e dos superpoderes das persoas, que nos converten en seres diferentes e únicos.

Grazas Baia por facernos descubrir o noso superpoder.

 Pasámolo en grande!

Nos vos perdades o vídeo da actividade!

DETECTIVES DA NATUREZA 1.º E 2.º E.P.

 Venres 27 de xaneiro de 2023

Aproveitando a chegada do bo tempo, os alumnos/as de 1.º e 2.º de Primaria realizaron unha saída pola contorna para elaborar un caderno de campo. Previamente explicouse na clase que é un caderno de campo e como se elabora, que normas debían cumprirse para non danar a natureza, etc.

Organizados en grupo de 3 - 4 compoñentes, recolleron mostras de diferentes seres vivos (plumas, cunchas, follas...) e fotografiaron aspectos que chamaron a atención (lixo na natureza, regatos, carteis informativos...).

A vindeira semana poñerán en común os resultados dos cadernos de campo elaborados por cada equipo.

Aquí vos deixamos un vídeo resumo da actividade.

O LAPIS MÁXICO DE MALALA

Este luns día 30 celebramos no cole o Día Escolar da Non Violencia e da Paz xunto co Día da Educación (24 de xaneiro) cunha actividade moi especial: adicamos o día a Malala. 

 

Malala escribiu un conto no que desexaba ter un lapis máxico para poder cambiar o mundo e eliminar todas as inxustizas que vivía. Os nenos e nenas de 5º e 6º realizaron un contacontos deste libro, e fixérono de marabilla.  Ao rematar o contacontos, entregaron a cada neno e nena un "lapis máxico" e un marcapáxinas.

                           

                                      Pinchade nas fotos para ver máis!

Co lapis máxico creamos o noso muro da paz, escribindo cada un o seu desexo para a paz. Neste mural colaboramos todos e todas: as familias aportaron os bricks de leite que se converteron en pezas do muro da paz, os mestres e mestras colaboraron na organización e o título foi creado polos nenos e nenas de Ed. Infantil, o debuxo foi realizado polo 1º ciclo e a biografía de Malala que aquí vos deixamos foi elaborada polos nenos e nenas de 3º e 4º. 

Para velo teredes que escanear este código QR!

                                                           

Se queredes ver o proceso de elaboración do cartel feito por 1.º e 2.º de Primaria, aquí vos deixamos un vídeo recompilatorio.

 

Por suposto, esta actividade tamén se encadra dentro do noso proxecto sobre as ODS:

Foi un día moi especial! Pinchade neste vídeo para ver un resumo!