Estrea por todo o alto: Nace o "Podcast Sabichón"!
Temos grandes novas no CEIP As Bizocas! As ondas da nosa radio escolar volven vibrar con máis forza que nunca grazas a parte alumnado de 5º de Educación Primaria, que acaba de lanzar o seu novo proxecto: o "Podcast Sabichón".
Neste espazo, os nosos reporteiros e reporteiras amosarán as súas dotes de comunicación entrevistando a diferentes membros da comunidade educativa para coñecelos un pouco mellor... e tamén para poñelos a proba!
A nosa primeira convidada: Elia
Para o programa de estrea, tivemos o pracer de contar con Elia, a mestra titora de 3º de Primaria. Aínda que moitos xa a coñecen polos corredores, no "Podcast Sabichón" quixemos ir un paso máis alá.
A entrevista dividiuse en dúas partes moi divertidas:
Coñecendo á Elia máis persoal: Os alumnos e alumnas fixeron preguntas para descubrir os seus gustos e as súas afeccións fóra da aula.
O Reto Disney: Para rematar, Elia tivo que enfrontarse a un pequeno xogo de preguntas sobre o universo Disney.
Queres escoitalo?
Estamos moi orgullosos do traballo de investigación, locución e control técnico que fixo o alumnado de 5º. Foi unha primeira experiencia única.
Preme para escoitar o primeiro episodio do "Podcast Sabichón"!
https://drive.google.com/file/d/1nGWM3DEDLpG7xZZ55P2dwLVYFNVnLgSM/view?usp=sharing
Ningún comentario:
Publicar un comentario