EXPLORANDO O UNIVERSO DO BO TRATO: CHEGA AXIA AO 1º CICLO

 Hoxe tivemos unha visita moi especial no noso cole !.

Veu ao centro o equipo da Fundación Meniños para traballar co alumnado de 1º e 2º de Educación Primaria no seu novo proxecto educativo chamado AXIA.

Foi unha aventura moi divertida que nos axudou a:

• Coidar as nosas emocións ❤️

• Tratar ben ás demais persoas 🤝

• Aprender a convivir mellor na escola e na casa 🌈

Durante a actividade, a biblioteca convertiuse nunha nave espacial  relacionado coa nosa PDI do centro sobre o universo, o que fixo a experiencia aínda máis motivadora para o alumnado.

Participou en diferentes estacións onde falamos de:

• Como nos sentimos

• A empatía

• O respecto

• Os compromisos para levarnos mellor

Tamén coñeceron o Kit Galáctico, con materiais para seguir aprendendo, e descubriron que AXIA continuará durante o curso con retos, vídeos e propostas para compartir coas familias.

Foi unha experiencia moi especial, chea de aprendizaxes, ilusión e bo trato.

Grazas á Fundación Meniños por acompañarnos nesta misión tan importante.

A aventura AXIA xa comezou… e nós xa somos parte da tripulación!

O CLUB DE LECTURA ESTREA A RADIO SABICHÓN!

 Nestas últimas sesións do club de lectura, fomos á Radio Sabichón do cole para vivir unha experiencia moi especial. Despois de ler o libro Relatos de pantasmas, traballamos en grupo para crear os nosos propios relatos de medo. Cada grupo inventou unha historia chea de misterio, suspense e imaxinación.

Cando tivemos os relatos preparados, fomos á radio para gravalos. Alí aprendemos como funciona unha emisora, usamos os micrófonos e sentimos o que é falar na radio de verdade. Foi unha actividade moi divertida e diferente, na que puidemos compartir o noso traballo cos demais e escoitar as historias dos compañeiros.

Encantounos a experiencia e pasámolo xenial converténdonos por un día en auténticos locutores e contadores de historias de medo.

CONCURSO PASAPORTE LECTOR 2º TRIMESTRE

 Gústache ler? Entón esta proposta é para ti! Cada vez que remates un libro, cobre un pasaporte lector e entrégao no Buzón Sabichón da biblioteca. É moi doado participar!

Podes presentar pasaportes de libros emprestados na biblioteca do cole ou de libros lidos pola túa conta. Todas as lecturas contan!

 O alumnado que entregue máis e mellores pasaportes lectores será recoñecido, así que… canto máis leas, máis oportunidades terás!

 Data límite de entrega: 20 de marzo.

Non o deixes para o último día!

 Ler abre portas a mundos novos… participa, goza da lectura e deixa o teu pasaporte no buzón!

O CLUB DE LECTURA PECHA O 2025 ENTRE PANTASMAS

 Nas últimas sesións do Club de Lectura de 2025 seguimos mergullándonos no mundo dos relatos de pantasmas en galego. O libro, composto por varios relatos curtos, achega ao alumnado á tradición do medo na nosa lingua, cun estilo accesible pero cheo de matices.

Durante estas sesións tamén puxemos especial atención ao vocabulario, xa que nos relatos aparecen moitas palabras novas. A través de xogos e actividades dinámicas fomos descubrindo o seu significado e aprendendo a empregalas correctamente, o que axuda a mellorar a comprensión lectora e a enriquecer a expresión oral e escrita.

Como actividade final, entregámoslles unhas fichas creativas para inventar relatos de medo empregando emojis de Nadal 🎄👻. A combinación do terror cos símbolos propios destas datas deu lugar a historias moi orixinais e divertidas. 

Para pechar o proxecto, o alumnado gravará os seus relatos curtos de medo na radio do centro, convertendo a lectura nunha experiencia completa que unirá literatura, creatividade e comunicación oral.

Un colofón perfecto para despedir o ano no Club de Lectura… e prepararnos para novas aventuras lectoras! 📚✨

RECOMENDACIÓNS LECTORAS DE NADAL 2025

O Equipo de Biblioteca, en colaboracion coa librería Nobel do Grove, elaborou as seguintes recomendacions lectoras para o Nadal!

Como novidade, este curso engadimos tamén recomendacións para as familias!

Lembrade que un libro sempre é un bo agasallo: acompaña, fai medrar e esperta o gusto pola lectura, axuda a imaxinar, a aprender e a compartir momentos bonitos.

Bo Nadal!

TALLER CON LIBROS RECICLADOS NA BIBLIOTECA

 O pasado xoves 4 de decembro, tivemos a sorte de recibir no cole aos bibliotecarios da Axencia de Lectura de San Vicente, que viñeron a compartir con nós unha actividade moi diferente e súper creativa.

Prepararon un taller de reciclaxe con libros, no que nos explicaron o importante que é reutilizar libros vellos que xa non usamos, dándolles unha segunda vida en lugar de rematalos no lixo. E que mellor maneira de facelo que converténdoos en algo novo e cheo de imaxinación?

Nesta ocasión, as nosas páxinas pasaron a transformarse nunha horta saudable, empregando diferentes materiais que eles nos achegaron. Cada neno e nena puido crear o seu propio pequeno cultivo con forma de verduriñas e plantas, demostrando que, cando a imaxinación se pon a traballar, todo é posible!

Foi unha actividade dirixida ao 2º e 3º ciclo de Educación Primaria, na que desfrutamos, aprendemos e sobre todo descubrimos que os libros tamén poden seguir contando novas historias, mesmo cando xa non os lemos.

Moitas grazas á Axencia de Lectura por vir ao cole e facernos pasar unha mañá tan divertida e diferente. Xa estamos desexando volver empezar outra actividade coma esta! 🌿📚✨