ANIMALENTROIDO 2024

O pasado venres 9 de febreiro celebramos no cole o entroido! Despois de toda a semana seguindo os mandadiños do meco...

Luns , a semana iniciarás

e, uns bigotes de gato na túa cara, pintarás.

Martes, algo do mar traerás,

no teu disfrace, o océano brillará.

Mércores, se te queres divertir,

a túa cabeza con plumas, deberás cubrir.

Directo da cama, xoves especial,

en pixama ao cole, un día sensacional.

Venres, o gran día chegará,

todo o cole se disfrazará.

Como non podía ser doutra forma, os disfraces deste curso foron en relación á PDI que estamos a traballar, animais e océanos. O alumnado empregou materiais de reciclaxe e elementos que tiñan pola casa para elaborar os seus disfraces e quedaron así de especiais!

Pinchade nas fotos para ver máis!

Logo dos desfiles de cada curso, bailamos a canción empregando as maracas que construíron na materia de Musica e Danza con materiais de refugallo (tubos de papel hixíenico, papel de reciclaxe e arroz) que inventaron as nenas e nenos de 4º de EP a partir dunha coñecida melodía. Aquí a podedes ver!

 

Por último, merendamos todos xuntos doces de entroido. 

Por motivos meteorolóxicos, este curso a celebración de entroido non puido realizarse no patio exterior polo que non puidemos invitar ás familias a este acto por falta de espazo no interior. Porén, agradecemos a sua colaboración no seguimento da semana do entroido cos diferentes mandadiños, a elaboración dos disfraces, a merenda con doces caseiros...  

Moitas grazas familias!