Hoxe o alumnado de Ed. Infantil, 1º, 2º e 3º de Primaria tiveron a sorte de recibir a Javier Olleros e ao seu compañeiro Álex no cole, chefs en Culler de Pau, un restaurante que atopamos moi preto de nos e que conta con dúas estrelas michelín. 
Clicade na foto para ver máis!
Eles explicáronnos como cultivan moitos dos produtos cos que cociñan, a importancia da horta e de como debemos achegarnos os máis pequenos ao mundo da cociña dunha forma sustentable e co cariño que nos transmitiron os chefs. Esta actividade encádrase tamén no noso proxecto arredor das ODS.
Ademais, puidemos probar a súa receita de algas crocantes con salsa de cabaza a modo de ketchup que estaba boíííísima!
Tamén contamos coa presencia da TVG, que nos gravou e ademais puidemos saír en directo! Todo un luxo! Aquí vos deixamos o enlace da nova para que poidades vela: https://www.g24.gal/-/leccion-de-cocina-creativa-saudable-e-sostible-no-colexio-do-grove
Moitas grazas! Pasámolo moi ben e aprendemos un montón!
Ningún comentario:
Publicar un comentario