APRENDEMOS DE PINTURA CON NOELIA

 Este martes 25 de marzo tivemos unha visita moi especial: Noelia, a mamá dun neno do noso cole veciño (o CEIP Conmeniño), pintora do Grove no seu tempo libre que aceptou encantada asistir ao noso cole.

 

Na súa visita explicounos  ao alumnado de infantil e 1º ciclo porque empezou a pintar, que estilos de pintura empregaba, as técnicas que utilizaba e ensinounos alguns dos seus cadros tan bonitos que pintou, xa que lle encanta pintar paisaxes naturais e realistas!

Ademais, tivemos a oportunidade de pintar un pequeno cadro guiados por Noelia, que nos quedou chulísimo!

Moitas gracias Noelia pola túa visita, aprendemos un montón!

CREAMOS UN XORNAL POLA SEMANA DA PRENSA: MULLERES NA ARTE

Do 10 a 14 de marzo traballamos a Semana da Prensa na biblioteca a través do xornal que vedes a continuación!

Pincha na imaxe para velo! 

Creamos un xornal no que cada curso elaborou diferentes biografías de mulleres nas diferentes artes, con curiosidades sobre cada unha delas,  imitando as páxinas do xornal e empregando tamén recortes de periódico para os nomes.

Quedounos un xornal chulísimo, aquí o podedes ver!

Ademais, en Educación Infantil encargáronse de crear uns pasatempos como unha sopa de letras , un crucigrama, un código segredo... entre outros. Seredes quen de resolvelos? Que nivel!

RETO SEMANAL DE... CINE!

 Esta semana, o Equipo de Biblioteca preparou un novo reto de arte! Esta vez, seguindo con todas as artes, tocou o cine! 

Gustaríache converterte nun experto ou experta en películas? 

Neste reto deberás descubrir os títulos escondidos nun crucigrama de cine! Ademais, hai 3 niveis de dificultade.

- Nivel 1: Pequen@s cinéfilos (Infantil)

Para @s máis pequen@s! Aquí atoparedes imaxes de personaxes famosos e teredes que descubrir a que película pertencen.

- Nivel 2: Detectives do cine (1º a 3º de EP)

Aquí haberá pistas sinxelas que vos darán unha idea sobre cada pelicula. Poderedes descubrir os títulos?

-Nivel 3: Mestros do cine (4º a 6º de Primaria)

Só os verdadeir@s expert@s poderán resolver este nivel! Serás capaz de completalo?

SUSA HERRERA POLO DÍA DA POESÍA

Todo o alumnado do centro tivo a sorte de recibir na nosa biblioteca a visita de Susa Herrera, profesora de música na universidade e cantautora de cancions de libros infantís. 

Coincidindo co Día da Poesía, que se celebra o 21 de marzo, cantamos cancións de animais que ela mesma escribiu, acompañadas de xestos e movementos; pasámolo moi ben!! 

Moitas grazas Susa pola túa visita, agardamos que poidas vir noutra ocasión!

Aquí vos deixamos un vídeo resumo da experiencia!

ODAIKO: PERCUSIÓN CON INSTRUMENTOS DE REFUGALLO

O pasado 18 de marzo, o alumnado de 3º e 4º de EP, xunto co alumnado do CEIP Conmeniño, realizou unha visita a afundación Abanca, onde participamos na actuacion "RRRDobra. A sinfonía do cambio" de Odaiko coa sua interpretación empregando instrumentos de refugallo. 

Seguindo co noso PDI de arte, esta vez adentrámonos na música!

Foi unha xornada moi divertida xa que nos fixeron participar marcando ritmos, cantando e bailando. 

Ensináronnos que podemos facer música con calquera cousa, e que calquera elemento que pensamos que pode ser basura pode converterse nun instrumento, como un botellófono, batería de bidóns... entre outros.

Aquí vos deixamos un vídeo resumo!

RETO SEMANAL DE... DANZA!

Nesta ocasión, o reto semanal do Equipo de biblioteca é de Danza! 

A través deste memory, descubriremos diferentes danzas do mundo, identificables  a partir de imaxes. 

Para resolver este reto, as tarxetas estarán dispostas na mesa cara abaixo, e deberán levantarse de dúas en dúas, buscando a coincidencia  da imaxe co seu nome correspondente.

Para iso, empregarán a información que se atopa detras das instrucións!

Ánimo co reto pequen@s artistas!

RETO SEMANAL DE... LITERATURA!

Esta semana, o reto versa sobre a arte da literatura!

O obxectivo será crear un relato curto (entre 200 e 300 palabras) de temática libre en lingua galega. Ademais, poderemos aproveitar para presentar o relato ao XI Certame de Relato Curto!

Lembrade! As historias deberán ter introducion, nó e desenlace. 

Ánimo co reto desta semana! 

8M- DÍA INTERNACIONAL DA MULLER

 Cada 8 de Marzo conmemoramos no cole o Día Internacional da Muller, unha data na que lembramos a loita das mulleres pola igualdade de xénero e os seus dereitos.   

Durante esta xornada, todos os cursos pasaron pola biblioteca para realizar un xogo.

A través dun trivial robótico, fumos coñecendo a vida e obra de diferentes mulleres na historia importantes nas 8 artes (música, danza, literatura, escultura, arquitectura, pintura, cine e teatro), como non podía ser doutro xeito.

 

Empregando os robots de polos creativos, e seguindo as instrucións que vedes a continuación, xogaron en dous equipos, buscando información nos libros da biblioteca que empregamos para a PDI.

 

Ademais, realizamos unha pequena manifestación ao redor do cole con carteis e unha batucada. Para rematar, finalizamos a conmemoración lendo un manifesto en prol dos dereitos das mulleres.

Lembramos que esta data non é ningunha celebración, senon unha conmemoración resaltando que é unha oportunidade para reflexionar sobre os avances conseguidos e os desafíos pendentes na busca dunha sociedade máis xusta e equitativa e  lembramos algunhas mulleres que loitaron polo cambio social e a liberdade no ámbito das artes.

ENTROIDARTE 2025

 O entroido este curso non podía ser doutra forma: disfrazámonos coa arte!

Despois de toda a semana seguindo os mandatos do meco, chegou o gran día, o día de entroido! Podedes ver todas as imaxes e vídeos pinchando AQUÍ. 

En educación infantil disfrazámonos de personaxes de contos clásicos.

En 1º ciclo de pintores!

En 2º ciclo de grafiteiros e rapeiros!

En 3º ciclo de personaxes de cine!

Foi unha xornada moi especial, na que asistiron as familias para ver o desfile de todas as clases e ademais, despois do desfile, cada curso interpretou unha danza típica de diferentes países do mundo. 

En Música e Danza estiveron traballando a música de diferentes países e estas foron as elixidas:

- Educación Infantil: O xogo da Carrasquiña (Galicia)

- 1º:  Indo eu (Portugal)

-2º: Sete saltos (Dinamarca)

-3º: Samoth (Israel)

-4º: Minoesjka (Holanda)

-5º: Pera Stous Pera Kambous (Grecia)

- 5º e 6º: Batucada (Brasil)

Ao rematar, tivemos unha rica merenda con doces típicos de entroido, grazas á colaboración das familias, sempre dispostas a participar!

Para finalizar esta festiva xornada, asistimos ao IES As Bizocas para ver o seu tradicional concurso de comparsas. Ademais, este ano 5º e 6º de EP tocaron conxuntamente con 1º e 2º de ESO unha batucada empregando instrumentos de refugallo! Saiulles moi ben! Noraboa!

E grazas á profe de Música do IES por propoñer actividades nas que participamos conxuntamente!

DÍA DE ROSALÍA E ARTE

 O 23 de febreiro celébrase o día de Rosalía de Castro, xa que é o día do seu nacemento e este curso no cole traballamos a súa figura a través da arte, seguindo a nosa PDI.

O Equipo de EDLG organizou este mural tan chulo no que colaboramos todas:

Educación infantil estampou o seu retrato, o 1º ciclo tamén empregou o seu retrato ao estilo Andy Warhol e en 2º e 3º ciclo iniciaronse nos polos creativos empregando leds de cores para escribir o título.

Como vedes, quedounos un mural ben artístico!