A pasada semana, o alumnado do Club de Lectura, despois de varias sesións de ensaios e tras organizar o calendario de quendas, levou a cabo o contacontos para o alumnado de educación infantil e 1º ciclo, seguindo o calendario que publicamos anteriormente.
O semana pasada o alumnado de 2º e 3º ciclo recibiu unha charla sobre os diferentes entroidos que podemos atopar en Galicia.
Aprendemos un montón sobre os entroidos en Galicia! Moitas grazas!
O Sabichón deixounos pola biblioteca os mandadiños do meco deste entroido!
O luns 24 de febreiro comezamos e cada día teremos un mandato diferente, moi atent@s!
O venres realizaremos no cole o festival de entroido, no que teremos que vir disfrazados de artistas!
O programa será o seguinte:
-Desfiles de entroido a partir das 10.00h e actuacións.
-Merenda conxunta con doces caseiros a partir das 11.00h.
-Visita do alumnado ao IES e batucada do 3º ciclo xunto con 1º e 2º da ESO a partir das 12.00h.
Aproveitamos para lembrar que as familias están invitadas a asistir ao desfile de entroido e a merenda conxunta, animámosvos a asistir co voso disfraz!
Bo entroido!
Este luns 17 de febreiro recibimos de novo a Didier para realizar un obradoiro de Ecopercusión co alumnado de 5º e 6º de EP, no que as familias estiveron invitadas!
Nesta ocasión, o reto semanal do Sabichón consistirá na creación dunha troqueladora montada con LEGOS co obxectivo de decorar unhas máscaras de entroido!
O reto, como todas as semanas, consta de varios niveis, explicados dentro desta carpetiña que se atopa na biblioteca. Cada curso teredes que averiguar cal é o voso reto... empregar a troqueladora, explorar con ela e algúns, ata creala de 0!
Pinchando aquí deixamos toda a información!
Mans a obra con esas máscaras!
O alumnado do 3º ciclo asistiu o pasado xoves ás xornadas de Innovart en Santiago de Compostela.
Aquí podedes ver algunha foto do proceso.
Esta semana o Sabichón sorprendeunos cun novo reto na biblioteca...esta vez sobre a pintura!
O reto consiste en observar con atención cadros de mestres da historia da arte como Picasso, Miró, Dalí, Klee... entre outros. A proba trátase de atopar en cada un deles unha letra do abecedario oculta.
Hai 6 niveis de dificultade... seredes quen de chegar ao último nivel?
Algúns nenos e nenas xa conseguiron resolvelo!! Vémonos na biblioteca!
Dende a volta das vacacións de Nadal, o club de lectura está inmerso nun novo reto... un contacontos!
Nunha das nosas reunións semanais, o alumnado do club elixiu os títulos que máis lle gustaban para leerlle ao alumnado de educación infantil.
O alumnado de Ed. infantil é un público moi esixente, polo que estamos traballando a tope para conseguir superar as súas expectativas!
Aquí vos deixamos o calendario dos contacontos!
O ano pasado, no club de lectura, lemos o libro das Formigas Misión Camiño de Santiago, tal e como podedes ver en entradas anteriores, pinchando no link do club de lectura.
Ademais, tivemos a sorte de que nos visitou a TVG para facer unha reportaxe, e aquí a temos porfin!
Pinchade na foto para ver a reportaxe da TVG a partir do minuto 23:40.
Nesta segunda semana de retos na biblioteca sobre o PDI, a actividade consistirá nun reto de investigación sobre a escultura!
Algúns nenos e nenas xa remataron o reto!
