FINALIZAMOS O 1º TRIMESTRE DO CLUB DE LECTURA: VÍDEO ENTREVISTA ÁS NOSAS AVOAS

 ras as ultimas sesións do club no mes de decembro, nas que rematamos o libro que estabamos a ler, fixemos un pequeno Kahoot onde puxemos a proba a nosa memoria con diferentes preguntas sobre o libro.

Ademais, na derradeira sesión, xuntamonos o club de lectura de 5º e de 6º de EP para proxectar o vídeo das entrevistas ás nosas avoas, así como os diferentes debuxos que fixemos sobre as artes ocultas e non tan ocultas das nosas marabillosas avoas.

Aquí vos deixamos o vídeo para que poidades velo, pinchade na foto!

Moitísimas grazas ás avoas por participar neste proxecto do club de lectura!

O SABICHÓN PRECISA DA NOSA AXUDA

Con motivo da chegada do Nadal, temos na entrada do cole unha marabillosa árbore para poder decorar!

Pero o Sabichón non sabe como facelo, polo que pide a nosa axuda para que o decoremos con desexos de Nadal! 

Podedes levalo para casa para que poidades facelo coas vosas familias!

Animádevos a botarlle unha man á nosa mascota!

RECOMENDACIÓNS LECTORAS DE NADAL

Dende o Equipo de Biblioteca elaboramos estas recomendacións de Nadal. 

Un libro sempre é un acerto como agasallo e podedes atopalos nas librerías da zona!

DÍA INTERNACIONAL DA DISCAPACIDADE

 O 3 de decembro, conmemoramos no cole o Día Internacional da Discapacidade con diferentes actividades co obxectivo de visibilizar e apoiar a inclusión social das persoas con discapacidade.

Para iso, nas clases de Educación Física, fixemos diferentes actividades nas que nos puxemos na pel de persoas cegas, xordas... entre outras, con xogos como a pita cega.

Ademais, aprendemos a usar o alfabeto en Braille e cada curso escribiu unha frase neste sistema. Podedes ver o mural no corredor do cole!

Aquí vos deixamos algunha foto das aportacións de cada curso!

SAÍDA AO AUDITORIO DO GROVE

 O pasado mércores 29 de novembro, o alumnado de Educación Infantil, 1º, 2º e 3º de EP asistiu a unha obra de teatro na que os protagonistas eran os bolechas! 

                                         

Enmarcada dentro do noso proxecto de arte, na obra de teatro Carlos, Pili, Loli, Braulio, Sonia e Tatá, xunto co seu can Chispa, deciden construír un escenario musical despois de atopar unha caixa chea de instrumentos musicais para ofrecer un gran concerto. 

A medida que as melodías do tambor, a guitarra, o piano ou a frauta soaron, aprendemos os diferentes estilos musicais e compoñen as súas propias cancións.