Tras a promoción deste concurso, o pasaporte lector, o alumnado de todos os cursos participou moi activamente!! Noraboa a tod@s pola implicación!
Porén, contamos no cole con dúas lectoras expertas que bateron o record de pasaportes lectores! E aquí as temos: moitas felicidades a Núria e Noa, gañadoras do concurso!
O alumnado do club de lectura realizou a obra de teatro que estiveron ensaiando ao longo de todo o trimestre. A obra tratouse de "Somos os monstros" de Paula Carballeira. Foi interpretada para Ed. Infantil e 1º ciclo.
Aquí vos deixamos un pequeno vídeo do resumo da obra!
O venres 21 de xuño será o último día de curso, que celebraremos cunha exposición e divulgación dos nosos traballos de investigación do PDI ás familias, actuacións musicais, unha merenda conxunta e por suposto, a despedida do noso alumnado de 6º de EP que se gradúa para o vindeiro curso estudar no instituto.
.jpg)
Agradecemos que confirmedes a asistencia ás titorías por abalar para ter en conta o aforo!
Moitas grazas familias!
Este martes 11 de xuño, a TVG acudiu ao noso centro para gravar un programa que se emitirá proximamente no programa "Léocho" da Televisión de Galicia en relación ao Club de Lectura.
Eliximos a 5 representantes voluntarios do club de lectura que conversaron sobre o libro que lemos durante o primeiro trimestre e do que fixemos uns booktrailers increibles! Trátase de "Formigas. Misión Camiño de Santiago" de Pere Tobaruela. Ademais, tamén fixemos unha excursión conxunta co Club de Lectura do CEIP Valle- Inclán a Santiago de Compostela en relación a este libro.
Pronto poderemos vernos na TVG...teredes noticias!
As coordinadoras do PFPP deste curso do CEIP As Bizocas elaboraron este marabilloso Genially no que se recollen todas as actividades realizadas en relación aos polos creativos neste curso 23/24.
Botádelle un ollo a todo o traballo levado a cabo! Noraboa!
Clicade na imaxe para velo!
O alumnado de 1º ciclo, nas súas investigacións sobre o PDI, estivo traballando moi activamente nos animais mariños, temática elixida por eles ao comezo de curso.
Entre todos e todas crearon un mural que luce no corredor do primeiro andar, con todos os animais mariños que investigaron e cos traballos que realizaron coa colaboración das familias!